އަންހެނުންގެ 1500 މީޓަރު ގައުމީ ރެކޯޑް ފަސޫހާ މުގުރާލީ މިހާރު ކުރިއަށްދާ ގައުމީ އެތުލެޓިކްސް މުބާރާތުގެ އަންހެނުންގެ 1500 މީޓަރު ދުވުމުގައި ވާދަކޮށެވެ. ފަސޫހާ، އަންހެނުންގެ 1500 މީޓަރުގެ ރޭސް ކާމިޔާބުކުރީ، 5 މިނިޓް، 03.51 ސިކުންތުންނެވެ. މިއީ ފަސޫހާ އެންމެ ފަހުން، މި އިވެންޓްގެ ގައުމީ ރެކޯޑް ހެދި ޓައިމިން އަށް ވުރެ އަވަސް ވަގުތެކެވެ.
ފަސޫހާ، އެންމެ ފަހުން 1500 މީޓަރު އިވެންޓްގެ ގައުމީ ރެކޯޑް ހެދީ، މިދިޔަ އަހަރުގެ ޑިސެމްބަރު މަހު، ނެޝަނަލް ގްރޯން ޕްރީގެ އެ އިވެންޓްގައި، އެ ފަހަރު ގައުމީ ރެކޯޑް ހެދީ، 5 މިނިޓް، 04.02 އިންނެވެ. މި ރެކޯޑް، އޭގެ ކުރިން އޮތީ އައިޝަތު ޖާއިޝާ ޖުނީޒް އަތުގަ އެވެ. ނެޝަނަލް ގްރޯން ޕްރީ، 2021 ގައި ޖާއިޝާ ރެކޯޑް ހެދީ، 5 މިނިޓް، 05.36 އިން ރޭސް ނިންމައިގެންނެވެ.
އަންހެނުންގެ 1500 މީޓަރު އިވެންޓްގެ ދެ ވަނަ އަށް ދިޔައީ، ޝަމްހާ އަހުމަދު އެވެ. ތިން ވަނަ އަށް ދިޔައީ ޒީކް އަޝްރަފް ރަޝީދުއެވެ.
