އިންޑިއާއިން ގާއިން ކޮށްފައިވާ ފިއުސަން ސެންޓަރަކީ ރާއްޖެވެސް ހިމެނޭގޮތުން އިންޑިއާ ކަނޑުގެ 18 ގައުމެއް ބައިވެރިކޮސްގެން އުފައްދާފައި ސެންޓަރެކެވެ.
އިންފޮމޭސަން ފިއުސަން ސެންޓަރު، އިންޑިއަން އޯސަން ރީޖަން އަކީ 2018 ވަނަ އަހަރު ކަނޑުތަރުތަކާއި ބެހޭ މައުލޫމާތާއި ހާދިސާތަކަށް ތައްޔާރުވުމަށް ބޭނުންވާ މައުލޫމާތުތައް ދޭ ހަބެއްގެ ގޮތުގައި ގާއިމްކޮށްފައިވާތަނެކެވެ.
އިންޑިއާގެ ނޭވީ ޗީފް އެޑްމިރަލް ދިނެޝް ކޭ ތްރިޕާތީ ކުރެއްވި ޕޯސްޓެއްގައި ވިދާޅުވީ، މޭޖާ ޖެނެރަލް ހިމްލީއާ ބައްދަލުކުރައްވައި، ދެ ގައުމުގެ ތަމުރީނާ ގުޅޭ މައުލޫމާތާއި ކަނޑުގެ ވަސީލަތްތަކާ ގުޅޭ ގޮތުން މަޝްވަރާކުރައްވާފައިވާ ކަމަށެވެ.
އެ ދަތުރުފުޅުގައި އެމްއެމްޑީއެފްގެ ވަފުދު ވަނީ އެ ގައުމުގެ ކޯސްޓްގާޑަށް ވެސް ޒިޔާރަތްކޮށްފަ އެވެ.
ޑިފެންސް މިނިސްޓްރީން ބުނި ގޮތުގައި މި ބައްދަލުވުމުގައި ދެ ގައުމުގެ ދިފާއީ އެއްބާރުލުމަށް ބޭނުންވާ ކަންކަމުގައި މަޝްވަރާ ކުރުމުގެ ފުރުސަތު ފަހިވެގެން ދިޔަ އެވެ. އަދި މިކަމަށް ބޭނުންވާ އެކިއެކި މަޝްރޫއުތައް ހިންގުން އަވަސް ކުރުމާ ބެހޭގޮތުން މަޝްވަރާކުރެވުނެވެ.
އޭގެ އިތުރުން މަތީ ފެންވަރުގެ އެކްސްޗޭންޖްތަކާއި ކެޕޭސިޓީ ޑިވެލޮޕްމަންޓް މަޝްރޫއުތައް ފަދަ އާންމު މަސްލަހަތު އޮތް އެހެން ދާއިރާތަކާ ބެހޭ ގޮތުންނާއި އަދި ކުރިއަށް އޮތް ދެ ގައުމުގެ އަސްކަރީ ތަމްރީނުގައި ބައިވެރިވުމާ ބެހޭގޮތުން ވެސް މަޝްވަރާކުރެވުނު ކަމަށް ޑިފެންސުން ބުންޏެވެ.
