ޖުލައި މަހު އަނަންތް އަމްބާނީއާއި ރާދިކާ މަރޗަންޓްގެ ކައިވެނީގެ ޙަފްލާގައި ހޮލިވުޑާއި ބޮލިވުޑްގެ ގިނަ ތަރިން ބައިވެރިވިއެވެ. މި ޙަފްލާ އެހާ ބޮޑުވެގެން ދިޔައީ އޭގެ ކުރިން ހަފްތާތަކެއް ވަންދެން ކައިވެނީގެ ކުރީގެ ޙަފްލާތައް ބޭއްވުނެވެ. މިހާރު ކައިވެނިކުރިތާ ދެ މަސް ފަހުން، އަމްބާނީ ޢާއިލާ އަނެއްކާވެސް ސުރުޚީތަކަށް އަރައިފިއެވެ. އެއީ އެމީހުންނަށް ދަރިއަކު ލިބެނީކަމަށް ގިނަބަޔަކު ގަބޫލު ކުރަން ފެށުމުންނެވެ.
ހިންދޫންގެ ހަފްލާއެއްކަމުގައިވާ "ގަނޭޝް ޗަތުރުތީ" ފާހަގަކުރުމަށް އަންޓީލިއާގައި ގިނަ މަޝްހޫރު މީހުން ބައިވެރިވިއެވެ. ސަލްމާން ޚާނާއި ޝްރައްދާ ކަޕޫރު ފަދަ ބޮލިވުޑްގެ މަޝްހޫރު ތަރިން ބައިވެރިވިއެވެ. މި ޙަފްލާގައި ނީތާ އަމްބާނީ އޭނާގެ ދަނބިދަރި ރާދިކާ މަރޗަންޓް މީޑިއާއަށް ތަޢާރަފުކޮށްދިން ވީޑިއޯއެއް ވައިރަލްވެފައިވެއެވެ. މި ވީޑިއޯގައި އުއްދަވް ތާކަރޭގެ އަންހެނުންރަޝްމީ ތާކަރޭވެސް ފެނެއެވެ. މި ތިން މީހުން އެކުގައި ކެމެރާއަށް ޕޯޒްކޮށް ހަދާ ވީޑިއޯ ވަނީ ވަރަށް ބޮޑަށް ވައިލްވެފައެވެ.
