ކްލެސިކްގެ ދެވަނަ ބުރުން ޖާގަ ކަށަވަރު ކުރި ޓީމުތަކުގެ ތެރޭގައި ގްރޫޕް އޭގައި ކުޅުނު ދެ މެޗުން މޮޅުވި، ތައުލީމީ ގުޅުމާއި ގްރޫޕް ބީގައި ފުރަތަމަ ދެ މެޗުން މޮޅުވި، ޓީމު ބަދަހި އާއި ކްލަބް އެސްޑީއެފްސީ، ގްރޫޕް ޑީން ފުރަތަމަ ދެ މެޗުން މޮޅުވި، އެންމެ ފަހުގެ ޗެމްޕިއަން ޓީމު ޑީޖޭއޭ އާއި ޓީމު މާލެ ސިޓީ ކައުންސިލް އަދި ގްރޫޕް އެޗް އިން ކުޅުނު ދެ މެޗުން މޮޅުވި، މިދިޔަ އަހަރުގެ ރަނަރަޕް ކްލަބް 220 އެވެ.
ކްލަބް 220 ންވަނީ އެ މީހުން ފަހު މެޗުގައި އެންޑީއޭ ބަލިކޮށްފައެވެ. ދާހިލީ ކްލަބް ވަނީ 2-1 އިން ޓްރޭޑްނެޓް ބަލިކޮށްފަ އެވެ. ޓީމު ބަދަހިން ވަނީ އެގްރި ރެކްރިއޭޝަން ކްލަބް އަތުން 7-0 އިން މޮޅުވެފަ އެވެ. ޓީމު ޕެމާ ވަނީ ފެހި ފަހި ކްލަބާ އެއްވަރުވެފައެވެ. މާލެ ސިޓީ ކައުންސިލުން ރޭ ވަނީ 3-0 އިން ހެލްތު ރެކްރިއޭޝަން ކްލަބް ބަލިކޮށްފަ އެވެ. ކްލަބް ބިނާރާ އިން ވަނީ ފިޝަރީސް ރެކްރިއޭޝަން ކްލަބް ބަލިކޮށްފައެވެ.
