އާ ފޯނު ދައްކާލިނަމަވެސް އާއްމުކޮށް ފޯނު ވިއްކަން ފަށާނީ މިމަހުގެ 20 ވަނަދުވަހުން ފެށިގެންނެވެ. އެހެންނަމަވެސް އަންނަ ހުކުރު ދުވަހުން ފެށިގެން ޕްރި އޯޑަރަށްް ހުޅުވާލާނެކަމަށް އެޕަލުން ބުނެއެވެ.
އައިފޯން 16 ސިރީޒްގެ އަގުތައް ( ފެށޭ އަގުތައް )
- އައިފޯން 16 / 799 ޑޮލަރު
- އައިފޯން 16 ޕްލަސް / 899 ޑޮލަރު
- އައިފޯން 16 ޕްރޯ / 999 ޑޮލަރު
- އައިފޯން 16 ޕްރޯ މެކްސް /1199 ޑޮލަރު
އެޕަލްގެ ހެޑްކުއާޓަރުގައި ރޭ ބޭއްވި އިވެންޓްގައި އައިފޯން 16ގެ މޮޑެލްތައް ވަނީ ދައްކާލާފައެވެ.
އާ ފޯނުގެ އެންމެ މުހިއްމު ޕީޗާތަކުގެ ތެރޭގައި ހިމެނެނީ އެޕަލް އިންޓަލިޖެންސްގެ ފީޗާތަކެވެ. އެގޮތުން އާޓިފިޝަލް އިންޓެލިޖެންސް (އޭއައި) ގެ ވަރަށް މުހިއްމު ގިނަ ފީޗާތަކެއް ވަނީ ހިމަނާފައެވެ. މި ފޯނުން "ޖެންއޭއައި" ރައިޓިން ޓޫލްގެ އިތުރުން އޭއައި ބޭނުންކޮށްގެން ފޮޓޯ ވީޑިއޯއަށް ސްޓިޗް ކުރެވޭނެއެވެ.
މީގެއިތުރުން ކެމެރާގެ ވިސުއަލް އިންޓެލިޖެންސް މެދުވެރިކޮށް ފޮޓޯ ނެގުމުން ބައެއް ތަންތަނުގެ ނަން ފޮޓޯއިން ދެނެގަނެވޭނެއެވެ. އަދި ކެމެރާ ކޮންޓްރޯލް ފީޗާ މެދުވެރިކޮށް ޗެޓްޖީޕީޓީގެ އެހީތެރިކަންވެސް ހޯދެ އެވެ.
އައިފޯން 16ގެ ކުލަތަކަށް ބަލާއިރު އައިފޯން ޕްރޯ އާއި އައިފޯން ޕްރޯ މެކްސް، ސްޕޭސް ބްލެކް، ހުދު، އަޅި އަދި ރޯސް މި ކުލަތަކުން ލިބެއެވެ. އައިފޯން 16 އާއި އައިފޯން 16 ޕްލަސްގެ ލިބޭނީ ކަޅު، ފެހި، ނޫ، ހުދު، ފިޔާތޮށި އަދި ރީނދޫ ކުލަ ލިބެެއެވެ.
އައިފޯން 16 އިން އެންމެ ގިނަ ގިނަބައެއްގެ ޝައުގުވެރިކަން ދަމައިގަންނަ ފީޗާއަކީ "އެކްޝަން ބަޓަން" އެވެ. މި ބަޓަން ފަރުމާކޮށްފައިވަނީ ކެމެރާ ކޮންޓްރޯލް ފީޗާއަކާ އެކު، ކެމެރާ ހަމައެކަނި ސްލައިޑިން އިޝާރާތަކުން ކޮންޓްރޯލް ކުރެވޭނެ ގޮތަށެވެ. މި ފީޗާ އައިފޯން 16ގެ ހުރިހާ މޮޑެލްތަކެއްގައިވެސް އެބަހުރިއެވެ.
