ޕީއެންސީން ބުނީ އެތެރޭގެ އިންތިހާބަށް ކުރިަތިލުމުގެ ފުރުސަތު މިމަހުގެ 30 ވަނދުވަހުގެ އިރުއޮއްސި ހައެއް ޖެހުމާއި ހަމައަށް ހުޅުވާލާފައިވާކަމަށެވެ. މިމަހުގެ 30 ވަނަދުވަހުގެ ކުރިން ޕާޓީގެ މެމްބަރަކަށްވާ ކޮންމެ މީހަކަށް އިންތިހާބުގައި ވާދަކުރުމުގެ ފުރުސަތު އޮންނާނެކަމަށްވެސް ޕީއެންސީން ބުނެއެވެ. މި އިންތިހާބުގައި އެކި މަގާމުތަކަށް 2095 މީހުން އިންތިހާބުކުރަން ހަމަޖެހިފައިވާކަމަށް ޕީއެންސީން ބުނެއެވެ.
އިންތިހާބު ކުރާ މަގާމުތައް
- ދާއިރާގެ ރައީސް
- ދާއިރާގެ ނައިބު ރައީސް
- ޒުވާނުން ހަރަކާތުގެ ރައީސް
- އަންހެނުން ހަރަކާތުގެ ރައީސް
- ސްޓިއަރިން ކޮމެޓީގެ މެމްބަރުން
މިއަދު ޕީއެންސީން ބޭއްވި ޕްރެސްއެއްގައި ވާހަކަ ދައްކަވަމުން އިންތިހާބީ ކޮމެޓީގެ މެމްބަރު އަދި ހެލްތް މިނިސްޓަރު ޑރ. އަބްދުﷲ ހަލީލް ވިދާޅުވީ ރައްޔިތުން މަޖިލީހުގައި ހިމެނޭ އިންތިހާބީ ކޮންމެ ދާއިރާއަކަށްް ދާއިރާ މި އިންތިހާބުގައި ކަނޑައަޅާފައިވާކަމަށެވެ. އަދި ދާއިރާގެ ރައީސްކަމަށްް ވާދަކުރެވޭނީ މަޖިލީހުގައި އެ ޕާޓީގެ މްމެބަރުން ނެތް ދާއިރާތަކަށް ކަމަށާއި މަޖިލިސް މެމްބަރުން ތިބި ދަައިރާތަކުގެ ރައީސުންނަކީ އެ މެމްބަރުންކަމަށްވެސް ހަލީލް ވިދާޅުވިއެވެ.
ދައިރާތަކުގެ ރައީސްކަމާއި ނައިބު ރައީސްކަމަށް ކުރިމަތިލާ ފަރާތްތަކުން ވަކި އަދަދަކަށް މެމްބަރުންގެ ފޯމު ހުށައަޅަންޖެހޭނެކަމަށްް ހަލީލް ވިދާޅުވިއެވެ.
ޕީއެންސީގެ އެެތެރޭގެ އިންތިހާބު އޮންނާނީ އަންނަމަހުގެ 19 ވަނަ ދުވަހުކަމަށް އެޕާޓިން ބުނެއެވެ.
