ކުޅުދުއްފުށީ ފަޅު ތެރެއިން މަރުވެފައި އޮތް މީހަކު ނެގުން: އެއީ ފިރިހެނެއް ކަމަށް މައުލޫމާތު ލިބިފައިވޭ - ފޮޓޯ/ އެމްވީކްރައިސިސް
ކުޅުދުއްފުށި ފަޅު ތެރޭގައި މަރުވެފައި އޮތް މީހާގެ ޕޯސްޓްމޯޓަމް ހަދަނީ
އަލީ މިދުހަތު
11 ސެޕްޓެމްބަރ 2024 - 21:59:10
ކުޅުދުއްފުށީ ސިޓީގެ ފަޅުތެރެއިން މަރުވެފައި އޮއްވާ މިއަދު ފެނުނު މީހާގެ ޕޯސްޓްމޯޓަމް ހެދުމަށް ނިންމައިފި އެވެ.
Advertisement
މައުލޫމާތު ލިބިފައިވާ ގޮތުގައި މަރުވެފައި އޮއްވައި ފެނުނީ އެ ރަށު ޑެއިޒީފެހި، އުމުރުން 36 އަހަރުގެ މުހައްމަދު ހަސަން އެވެ.
ފުލުހުންނަށް އޭނާގެ ހަށިގަނޑު ފެނިގެން ރިޕޯޓްކުރީ މިއަދު ހެނދުނު 08:17 ގަ އެވެ. އަދި އޭނާ ވަގުތުން ކުޅުދުއްފުށީ ރީޖަނަލް ހޮސްޕިޓަލަށް ގެންދިޔަ އެވެ. ފުލުހުން ބުނީ ހޮސްޕިޓަލަށް އޭނާ ގެންދިޔައިރުވެސް މަރުވެފައިވާކަމަށް ހޮސްޕިޓަލުން މައުލޫމާތު ދިން ކަމަށެވެ.
ފުލުހުން އިތުރަށް ބުނީ ހަސަން މުހައްމަދުގެ މަރާއި ގުޅިގެން ތަހުގީގު ކުރިއަށްދާއިރު ބަލަންޖެހޭ ކަންކަން ބެލުމަށް އޭނާގެ ހަށިގަނޑު ޕޯސްޓްމޯޓަމް ހެދުމަށް މިރޭ މާލެ ގެންނަން ހަމަޖެހިފައިވާކަމަށެވެ.
ކުޅުދުއްފުށި ފަޅުތެރެއިން މަރުވެފައި އޮތް މީހަކު ފެނުނު އިރު، އިއްޔެ ނ. ހޮޅުދޫގައި "މަރާލާފައި އޮތް" އަންހެނަކު ފެނުނު މައްސަލައެެއް ފުލުހުން އަންނަނީ ތަހުގީގު ކުރަމުންނެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
