އެނގިފައިވާ ގޮތުގައި ހއ. އިހަވަންދޫ ތައާވަން މިސްކިތުގެ އިމާމް ހުސެން ރަޝީދަކީ އަބަދުވެސް ކުދަކުދިންދެކެ އިންތިހާއަށް ލޯބިވާ އަދި އެކުދިންގެ ހިތްތަކުގައި ގުރުއާނަށާއި ނަމާދަށް ލޯބިޖެއްސުމަށް ނުހަނު ބޮޑު ސައުގެއް ހުންނަ ދީނަށް ވަރަށް ލޯބިކުރާ ފަރާތެކެވެ.
އިހަވަންދޫ ކުދިންގެ ހިތްތަކުގައި ނަމާދަށް ލޯބިޖެއްސުމަށް އިމާމް ހުސެން ރަޝީދުގެ މޮޅު އުކުޅުގެ ވާހަކަ އަޑުއަހާލަން ހަމަ ކޮންމެ މީހަކުވެސް ސައުވެރިވާނެކަަން ޔަގީނެވެ.
އެ ރަށު ކުދިން ނަމާދަށް މިސްކިތައް ގެނެެސް، އެކުދިންގެ ހިތްތަކުގައި ނަމާދަށް ލޯބިޖެއްސުމަށް ހުސެން ރަޝީދު މިދިޔަ އަހަރުގެ މެއި އެއްވަނަ ދުވަ ވެލެއްވި ވައުދުގެ ޝަރުތަކީ ޖެހިޖެހިގެން 40 ދުވަސްވާންދެން ފަތިސް ނަމާދު ޖަމާއަތުގައި ކުރުމެވެ. އެންމެ ދުވަހެއް ވެސް ވައްޓާނުލާ އެކަންކޮށްފި ނަމަ ހަދިޔާއަކަށް އެ ކުއްޖަކާ ގުޅޭ ބައިސްކަލެއް ހަދިޔާ ކުރައްވާނެ ކަމަށެވެ.
ގްރޭޑް 7 އިން ދަށުގެ ދަރިވަރުންނަށް އިމާމް ހުޅުވާލި މި ފުރުސަތުގައި ފުރަަތަމަ ރޭ އެ ރަށު މިސްކިތަށް ފަތިސް ނަމާދަށް ޖުމުލަ 64 ކުދިން ދިޔަކަމަށް އިހަވަންދޫ ކައުންސިލުން ބުނެ އެވެ. 64 ކުދިން އެ ރޭގެ ފަތިސްނަމާދު ޖަމާއްަތުގައި ބައިވެރިިވިއިރު، އިމާމުގެ މި ސަރުތު ފުރިހަމަކުރެވުނީ 38 ކުދިންނަށެވެ.
ކުދިންގެ ހިތްތަކުގައި ދީނީ ލޯބި އާލާކުރުމުގެ ބުރަ މަސައްކަތްތަކެއް ކުރަމުން އަންނަ އިމާމް އާއި ގުޅޭގޮތުން އިހަވަންްދޫ ކައުންސިލްގެ ރައީސް އަހުމަދު ސަބާހު ވިދާޅުވީ، މިއީ ރަށުގެ ހުރިހާ އިމާމުންނަށްވެސް ލިބިގެންވާ ފުރުސަތެއް ކަމަށާއި، ރަށުގެ ކުޑަކުދިންގެ ހިތްތަކުގައި ދީނީ ލޯބި އަށަގެންނެވުމަށް ހިންގޭ ހަރާކާތެއް ކަމަށެވެ.
ސަބާހް ވިދާޅުވީ ކުދިންގެ ހިއްތަކުގައި ނަމާދަށާއި އެހެހނިގެން ދީނީ ކަންކަމަށް ވެސް ލޯބި ޖެއްސުމަށް އިތުރު ކަންކަންވެސް ކޮށްފައިވާ ކަމަށާއި އޭގެ ތެރޭގައި ނަމާދުގައި ކިޔާ ތަކެތި ހިތުން ދަސްކޮށް ކިޔައިދޭ ކޮންމެ ކުއްޖަކަށް 500 ރުފިޔާ ދިނުމާއި، ކީރިތި ގުރުއާނުގެ 30 ފޮތް ހިތު ދަސްކުރާ ކޮންމެ ކުއްޖަކަށް ވެސް އެފަދަ ބޮޑެތި އިނާމުތަކެއް ކަނޑައެޅިފައިވާ ކަމަށް ސަބާހް ވިދާޅުވިއެވެ.
ދީނީ ކަންކަމަށް ލޯބިކުރާ ގިނަ ބަޔަކު އުޅޭ އިހަވަންދޫގެ ކުޑަކުދިންގެ މެދުގައި، އިމާމުގެ މި ޗެލެންޖާ އެކު އާދަޔާހިލާފު ފޯރިއެއް އުފެދިގެން ދިޔަކަމަށާއި ކުރިން މިސްކިތަށް ޖަމާއަތަށް ނުދާ ގިނަ ކުދިންތަކެއް، އެކަމަށް ޝައުގުވެރިވި ކަމަށް ސަބާހް ވިދާޅުވި އެވެ.
އިހަވަންދޫ ނަމާދު ޕްރޮގްރާމުގައި ބައިވެރިވި ދަރިވަރުނ - ފޮޓޯ: އިހަވަންދޫ ކައުންސިލް
މި ޗެލެންޖް ކުރިޔަށް ގެންދިޔަ މިސްކިތުގެ އިމާމް ހުސެން ރަޝީދު ވިދާޅުވީ ރަށު ފެންވަރުގައި މިފަދަ އަގު ހުރި ޕްރޮގްރާމްތަކެއް ކުރިޔަށް ގެންދެވިފައި ވަނީ ގިނަ ބައެއްގެ އެހީތެރިކަމާއި އެކުގައި ކަމަށެވެ. އަދި ވަރަށް ގިނަ، ނުދަންނަ އެކި ފަރާތަކާއި ނޫސް، ޓީވީ، ރޭޑިއޯ ފަދަ މީޑިއާ ވަސީލަތްތަކުންވެސް ގުޅާ މިކަމުގެ މައުލޫމާތު ހޯދަމުން ދާކަމީ ލިބޭ އެންމެ ބޮޑު ހިތްހަމަޖެހުމް ކަމަށް ހުސެން ރަޝީދު ވިދާޅުވިއެވެ.
އިމާމް ހުސެން ރަޝީދު ވިދާޅުވީ ބައިސްކަލް ޗެލެންޖަށް ފަހުވެސް، އިތުރު ވަރަށް ގިނަ ޗެލެންޖް ތަކެއް ކުރިޔަށް ރޭވިފައިވާކަމަށެވެ. އޭގެ ތެރޭގައި ރީތި ރާގުތަކަށް ބަންގި ގޮވުމާއި، ރީތި ރާގުތަކަށް ތަޖުވީދުގެ ހަމަތަަކާއި އެކު ގުރުއާން ކިޔެވުންވެސް ހިމެނޭ ކަމަށެވެ.
އިމާމް ހުސެން ރަޝީދު ވިދާޅުވީ އޭނާގެ މި ޗެލެޖްތަށް ކުރިޔަށް އޮތް ތިން މަހަށް ދެމިގެންދާނޭ ކަމަށާއި މަގުސަދަކީ މި ޗެލެންކް ނިމޭއިރު، ތަމްރީނުވެ، މުޖުތަމައުއަށް ނުކުންނަ ކުދިންގެ އަދަދު އިތުރުކުރުންކަމަށެވެ.
އިހަވަންދޫގައި ފަސް މިސްކިތް ހުންނައިރު، ޗެލެންޖް ފުރިހަމަ ކުރަން ޖެހުމަށް އަރަން ޖެހެނީ ތައާވަން މިސްކިތަށެވެ. އޭނާ ވިދާޅުވި ގޮތުގައި، ބޭނުންވި ނަތީޖާ ހާސިލްވިކަން އެނގެނީ، ޕްރޮގްރާމް ނިންމުމަށް ފަހު އެހެން މިސްކިތްތަކުން ވެސް ދަރިވަރުން ފެނުމެވެ.
ހުސައިން ރަޝީދު ބުނިގޮތުގައި މީގެ އިތުރުން ވެސް ކުދިންނަށް ނަމާދުގައި ކިޔާ ތަކެތި ދަސްކޮށްދިނުމާއި، ނަމާދުކުރުމުގެ ހަރަކާތްތައް ދަސްކޮށްދިނުމުގެ އިތުރުން ނަމާދާ ބެހޭ މައުލޫމާތުތައް ފޯރުކޮށްދިނުމުގެ ކުލާސްތަކެއް ވެސް ކުރިއަށްގެންދިޔަ ކަމަށެވެ.
އަދި ކުރިއަށް ވެސް ބޮޑު ޕްރޮގްރާމެއް ކުރިއަށް ގެންދަން ރާވާފައިވާ ކަމަށް އޭނާ ބުންޏެވެ. އެގޮތުން އިމާމުން ތަމްރީނުކުރުމުގެ ތިން މަސް ދުވަހުގެ ޕްރޮގްރާމެއް ކުރިއަށް އޮތް ތަނުގައި އިއުލާނު ކުރާނެ ކަމަށް އޭނާ މައުލޫމާތުދިނެވެ. އޭނާ ވިދާޅުވީ އެ ޕްރޮގްރާމްގައި ބަންގި ގޮވުމާއި ރީތި ރާގު ތަކަށް ގުރުއާން ކިޔަވަން ވެސް ދަސްކޮށް ދޭނެ ކަމަށެވެ.
އިމާމް ހުސެން ރަޝީދުގެ މި އަގުހުރި މަސައްކަތަށް ގިނަބަޔަކު އަންނަނީ ތައުރީފް ކުރަމުންނެވެ.
އެގޮތުން މީސްމީޑިއާގައި މީހަކު ކުރި ޕޯސްޓެއްގައި އިހަވަދޫއިން މިފެނުނީ އުފާވެރި މަންޒަރެއް ކަމަށާއި މިގޮތައްވެސް ކުދިންގެ ހިތުގައި ދީނީކަންތައްތަކައް ލޯބި ޖައްސަން މުޖުތަމައުތަކުން ތައްޔާރުވާން ޖެހޭ ކަމަށެވެ.
