މިމަހުގެ ނުވަނަދުވަހު ޒަހަމަތަކާއި ހެންވޭރުގައި ހުރި ގެސްޓްހައުސްގެ ކޮޓަރިއެއްގެ ކޮޓަރިއެއްގެ ތެރޭގައި އޮއްވާ ފެނުނީ 27 އަހަރުގެ ދިވެހި ފިރިހެނެކެވެ. އޭނާއަަށް އަންނަނީ އައިޖީއެމްއެޗްގައި ފަރުވާދެމުންނެވެ.
ފުލުުހުން ބުނީ ޒަހަމްތަކާއި އެކު ފެނުނު ޒުވާނާ އަނިޔާކޮށް މާރާމާރީ ހިންގި މައްސަލާގައި ދެމީހަކު ހައްޔަރުކޮށްފައިވާކަމަށެވެ. މި މައްސަލާގައި ހައްޔަރުކޮށްފައިވަނީ ކ ތުލުސްދޫ ، ޕެރިސް ، އުމުރުން 23 އަހަރުގެ ފައުޒާން ޒަރީރާއި މއ. ވައިކޮޅުގެ އުމުރުން 23 އަހަރުގެ އަހްމަދު މާޒިންއެވެ.
ފުލުހުން ބުނީ މި މީހުން ހައްޔަރުކުރީ ކޯޓް އަމުރެއްގެ ދަށުންކަމަށެވެ. އަދި މި މީހުންގެ ބަންދާއި މެދު ގޮތެއް ނިންމުމަށް ކްރިމިނަލްކޯޓަށް ހާޒިރުކުރުން ޝަރީއަތް ނިމެންދެން ބަންދުގެ މުއްދަތު ޖަހާދީފައިވާކަމަށެވެ.
މި މައްސަލަ ތަހުގީގުކުރަމުން އަންނަކަމަށްް ފުލުހުން ބުނެއެވެ.
