އާރަށް މައްސަލަ ނިންމާ ކްރިމިނަލްކޯޓުން ވަނީ ރިޝްވަތާ މަނީ ލޯންޑަރިން ކުށްް ސާބިތުވާކަމަށް ކަނޑައަޅާ ރައީސް ޔާމީންގެ މައްޗަށް 11 އަހަރުގެ ޖަލު ހުކުމެއް އިއްވާފައެވެ.
2021 ވަނަ އަހަރު ދަށު ކޯޓުން އިއްވި ހުކުމް ހައުކޯޓުން ބާތިލުކޮށް، އެ މައްސަލަ އަލުން ބަލަން ވަނީ އަންގާފައެވެ. އެ މައްސަލަ އަލުން ބަލާއިރު، ޔާމީނާ ދެކޮޅަށް ދައުލަތުން ފަހުން ހުށަހެޅި އާ ހެކިތައް ބަލައިނުގަނެވޭނެ ކަމަށް ހައި ކޯޓުން އޭރު އޮތީ ކަނޑައަޅައިފަ އެވެ
އެ ހުކުމް ކުރީ ޑިސެމްބަރު 25، 2022 ގައެވެ. އޭގެ ފަހުން، ވެރިކަން ބަދަލުވެ މި އަހަރުގެ އޭޕްރީލް 18 ގައި ހައިކޯޓުން ވަނީ ދަށު ކޯޓުގެ ހުކުމް ބާތިލުކޮށް ޔާމީން މިނިވަންކޮށްފަ އެވެ.
ހައި ކޯޓުން އެ މައްސަލާގައި ކުރި ހުކުމުގެ ބައެއް ދައުލަތުން ސުޕްރީމް ކޯޓުގައި އިސްތިއުނާފުކޮށްފައި ވެސް ވެއެވެ. އެއީ ޔާމީންގެ މައްޗަށް އުފުލާފައިވާ ހިޔާނާތުގެ ދައުވާތައް ސާބިތު ކުރުމަށް ކްރިމިނަލް ކޯޓުގައި ދައުލަތުން ހުށަހެޅި އާ ހެކިތައް އެއްފަރާތް ކުރުމަށް ހައި ކޯޓުން ނިންމި ބައެވެ.
މި މައްސަލަ ދަށު ކޯޓުން ބަލަން ފަށާފައިވާއިރު މައްސަަލައިގެ އަޑުއެހިުންތައް އާއްމުކޮށް ހުޅުވާލައިގެން ވަގުތުން ދުރަށް ދައްކާގޮތަށް ކުރިޔަށް ގެންގޮސްދިނުމށް ރައީސް ޔާމީނުގެ ފަރާތްޕުޅުން ވަނީ އެދިވަޑައިގެންފައެވެ. މި މައްސަލަ ބައްލަވާ ގާޒީ ވަނީ ޔާމީން އެދިވަޑައިގެން ގޮތަށްް މައްސަލަ ކުރިޔަށް ގެންދިޔުމަށް ނިންމާވާފައެވެ.
