India ge dhauvathakah Majilis raees vadaigannavanee

ހަބަރު / ރައްޔިތުންގެ މަޖިލިސް

މަޖިލިސް ރައީސް އަބްދުއްރަހީމް އަބްދުﷲ

އިންޑިއާގެ ދައުވަތަކަށް މަޖިލިސް ރައީސް ވަޑައިގަންނަވަނީ

ގުފްތަގް އަޖީރު

21 ޑިސެމްބަރ 2024 - 19:02:33

އިންޑިއާގެ ދައުވަތަކަށް ރައްޔިތުންގެ މަޖިލީހުގެ ރައީސް އަބްދުއްރަހީމް އަބްދުﷲ އެ ގައުމަށް ރަސްމީ ދަތުރުފުޅެއް ކުރައްވަން ނިންމަވައިފި އެވެ.

އިންޑިއާގެ އެކްސްޓާނަލް އެފެއާޒްގެ ސްޓޭޓް މިނިސްޓަރު ޕަބިތުރާ މާގެރީޓާ ފޮނުއްވި ސިޓީއެއްގައި ވިދާޅުވެފައިވަނީ، ރާއްޖޭގެ މަޖިލީހުގެ ވަފުދަކާއެކު މަޖިލިސް ރައީސް އެ ގައުމަށް ވަޑައިގަތުމަށް ހަމަޖެހިފައިވާ ކަމަށެވެ. މި ދަތުރުފުޅަކީ މަޖިލިސް ރައީސްގެ މަގާމާ ހަވާލުވެ ވަޑައިގަތުމަށްފަހު އިންޑިއާއަށް ކުރައްވާ ފުރަތަމަ ދަތުރުފުޅެވެ.

މަޖިލީހުގެ ރައީސްގެ މި ދަތުރުފުޅު ކުރައްވަން ހަމަޖެހިފައިވަނީ މި މަހުގެ 10 އިން 14 އަށެވެ. ނަމަވެސް މި ދަތުރުފުޅުގައި ކުރައްވާނެ މަސައްކަތްޕުޅުތަކާ ގުޅޭ އިތުރު މައުލޫމާތެއް މަޖިލީހުން އަދި ހާމަކުރައްވާފައެއް ނުވެ އެވެ.

މީގެ ކުރިން މަޖިލީހުގެ ރައީސް ވަނީ ސްވިޒަލޭންޑުގެ ޖެނީވާގައި ބޭއްވި އިންޓަރ-ޕާލަމެންޓަރީ ޔޫނިއަން (އައިޕީޔޫ) ގެ 149 ވަނަ އެސެމްބްލީގައި ބައިވެރިވެ ވަޑައިގެންފަ އެވެ.