ރައީސް "އެކްސް" ގައި ދެންމެ ކުރެއްވި ޕޯސްޓްގައި ވިދާޅުވީ މާރަންދޫ ކައުންސިލް ގޮނޑި ކާމިޔާބު ކުރެއްވި އަބްދުލްހަމީދު އަބްދުއްސައްތާރު މަރުހަބާ ދަންނަވާ ކަމަށާއި އިންތިހާބު ކާމިޔާބުކުރުމަށް މަސައްކަތް ކޮށްދެއްވި ފަރާތްތަކަށާއި ވޯޓުގައި ބައިވެރިވި ހުރިހާ ރައްޔިތުންނަށް ޝުކުރުދަންނަވާ ކަމަށެވެ.
މި އިންތިހާބުގައި ވާދަކުރި ކެންޑިޑޭޓުންނަކީ:
- ޝިހާމް މުހައްމަދު - އެމްޑީޕީ
- އަބްދުލްހަމީދު އަބްދުއްސައްތާރު - ޕީއެންސީ
އަބްދުލްހަމީދު މި އިންތިހާބު ކާމިޔާބުކުރުމާގުޅިގެން ވެރިކަން ކުރާ ޕީއެންސީއިން ވަނީ އޭނާއަށް މަރުހަބާ ކިޔައިފަ އެވެ.
ހއ. މާރަންދޫ ކައުންސިލަށް މެންބަރަކު ހޮވުމަށް ބޭއްވި މި ބައި-އިލެކްޝަންގެ ވޯޓުލުން ކުރިއަށްގެންގޮސްފައިވަނީ މިއަދު ހެނދުނު 8 އިން ހަވީރު 4 އަކަށެވެ.
ޝިހާމަށް ލިބިވަޑައިގެންނެވީ 250 ވޯޓެވެ. އަބްދުއްސައްތާރަށް ލިބިވަޑައިގެންނެވީ 285 ވޯޓެވެ.
މާރަންދޫ ކައުންސިލަށް މެންބަރަކު އިންތިހާބުކުރުމަށް ބައި-އިލެކްޝަނެއް ބާއްވާފައި މިވަނީ އެކައުންސިލްގެ ނައިބު ރައީސްކަމުގައި ހުންނެވި އަހުމަދު ރަމީޒު މިދިޔަ ޖުލައި މަހުގެ 13 ވަނަ ދުވަހު ނިޔާވުމާއި ގުޅިގެންނެވެ.
