ސްޓެލްކޯއިން މިކަން ފާހަގަކޮށް ބަޔާނެއް ނެރެފައި މިވަނީ އޫސޫލުތަކާއި ހިލާފަށް އެކުންފުނިން އަމަލުކުރަމުންދާކަމަށް ބުނެ ސޯޝަލް މީޑިއާގާއި ދެކެވޭ ވާހަކަތަކާއި ގުޅިގެންނެވެ.
މި ކަމާ ގުޅިގެން ސްޓެލްކޯއިން ބުނެފައިވަނީ އުސޫލުތަކާ ހިލާފަށް އެ ކުންފުނިން އަމަލުކުރަމުންދާ ކަމަށްބުނެ، އަޑުފެތުރުމަކީ ހިތާމަކުރާ ކަމެއް ކަމަށާއި، އަދި އެކަން ވަރަށް ހަރުކަށި އިބާރާތުން ކުށްވެރިކުރާ ކަމަށެވެ.
މިއާއެކު ކުންފުނިން ރީޑިން ނެގުމާއި ނުލައި އަދި ކަސްޓަމަރުން ބޭނުން ނުކުރާ ކަރަންޓަކަށް ބިލް ނުފޮނުވާނެކަމުގެ ޔަގީންކަން ސްޓެލްކޯއިން ވަނީ ދީފަ އެވެ.
ސްޓެލްކޯއަކީ 75 އަހަރުގެ ހިދުމަތުގެ ދިގު ތާރީހެއް އޮތް ކުންފުންޏެކެވެ. އެ ކުންފުނީގެ އެހާރާއި މިހާރުގެ މުވައްޒަފުންނާއި ވެރިންގެ ވެސް އެންމެ ބޮޑު އެއް ހިތްހަމަޖެހުމަކީ އެ މުވައްޒަފުން ކުރަމުންގެންދާ އިހުލާސްތެރި މަސައްކަތް ކަމަށް ބުނެފައިވެ އެވެ.
އެ މަސައްކަތުގައި ގެންގުޅޭ އަހުލާގާއި ރައްޔިތުންނަށް ހިދުމަތް ކުރުމުގެ ރޫޙަށް މިހާތަނަށް އައިއިރު ވެސް އެއްވެސް ބަދަލެއް އައިސްފައިނުވާކަމީ އެ ކުންފުނި ފަހުރުވެރިވެ ޝުކުރުވެރިވާ ކަމެއް ކަމަށް ވެސް ވަނީ ބުނެފަ އެވެ.
