ގައުމީ ޔުނިވަރސިޓީގެ ޕޮލިޓިކަލް ސައިންސް ދަރިވަރުން ބޭއްވި ޕަބްލިކް ފޯރަމެއްގައި ވާހަކަފުޅު ދައްކަވަމުން ފުވާދު ވިދާޅުވީ، ދުނިޔޭގެ ޑިމޮކްރަސީއާއި ދިވެހިރާއްޖޭގެ ޑިމޮކްރަސީ ވަނީ ގުޅިލާމެހިފައި ކަމަށެވެ.
ފުވާދު ވިދާޅުވީ، ދުނިޔޭގެ ޑިމޮކްރަސީގެ ތާރީހު 2500 އަހަރަށްވުރެ ދިގު ނަމަވެސް، ގިނަ ގައުމުތަކުގައި ޑިމޮކްރަސީ ދެމިނުގެންދާ ކަމަށެވެ. އޭނާ ފާހަގަކުރެއްވި ގޮތުގައި، ގިނަ ގައުމުތަކުގައި ޑިމޮކްރަސީ ވަކި ހިސާބަކަށް ދިޔުމަށްފަހު، އެހެން ބާވަތެއްގެ ވެރިކަމަކަށް ބަދަލުވެގެންދާ ކަމަށެވެ.
މި ފޯރަމުގައި ގައުމީ ޔުނިވާސިޓީގެ ދަރިވަރުން ޑިމޮކްރަސީއާ ގުޅޭ ތަފާތު މަޢުލޫމާތު ހިއްސާކޮށް، ޕޯސްޓަރުތަކެއް ދައްކާލާފައިވެއެވެ. ބައިނަލްއަގްވާމީ ޑިމޮކްރަސީ ދުވަހަކީ ކޮންމެ އަހަރެއްގެވެސް ސެޕްޓެމްބަރު 15 ވަނަ ދުވަހެވެ. މި އަހަރުގެ ޝިއާރަކީ މަސްނުއީ ސިކުނޑި ބޭނުންކޮށްގެން ހަރުދަނާ ހިންގުމުގެ ނިޒާމެއް ގާއިމްކުރުމެވެ.
