މިއީ މިދިޔަ އަހަރުގެ މި މުއްދަތާ އަޅާބަލާއިރު 3.7 އިންސައްތައިގެ ކުރިއެރުމެކެވެ.
މީރާގެ ތަފާސްހިސާބުތަކުން ދައްކާގޮތުގައި، މި އަދަދަކީ 46 މިލިޔަން އެމެރިކާ ޑޮލަރެވެ. 2023 ވަނަ އަހަރުގެ މި މުއްދަތުގައި ލިބިފައިވަނީ 686 މިލިޔަން ރުފިޔާ ނުވަތަ 44 މިލިޔަން ޑޮލަރެވެ.
ގްރީން ޓެކުހަކީ ރާއްޖެއަށް ޒިޔާރަތްކުރާ ފަތުރުވެރިންގެ އަތުން ނެގޭ ޓެކުހެކެވެ. މި ޓެކްސް ނަގަނީ ރިސޯޓުތަކާއި، ގެސްޓްހައުސްތަކާއި، ސިޓީ ހޮޓާތަކާއި އަދި ސަފާރީ އުޅަނދުތަކުގައި ތިބޭ ފަތުރުވެރިންގެ އަތުންނެވެ. މި ފައިސާ ބޭނުންކުރަނީ ތިމާވެށި ރައްކާތެރިކުރުމުގެ މަސައްކަތްތަކަށެވެ.
މި އަހަރުގެ އޯގަސްޓް މަހު އެކަނި ގްރީން ޓެކުހުގެ ގޮތުގައި 87 މިލިޔަން ރުފިޔާ ލިބިފައިވާއިރު، މިދިޔަ އަހަރުގެ އޯގަސްޓް މަހު ލިބިފައިވަނީ 69 މިލިޔަން ރުފިޔާއެވެ. މި ކުރިއެރުމަކީ ފަތުރުވެރިކަމުގެ ދާއިރާ އިތުރަށް ކުރިއަރަމުންދާކަމުގެ ހެއްކެކެވެ.
