ފާތުން
ޕެރަ އެތްލީޓު ފާތުންނާއެކު ދުވާނެ ބައިވެރިއަކު ހޯދަނީ
ސްޕޯޓްސް ޓީމް
16 ސެޕްޓެމްބަރ 2024 - 00:52:33
ޕެރަ އެތްލީޓު ފާތިމަތު އިބްރާހީމް- ފާތުންނާއެކު ދުވާނެ ބައިވެރިއަކު ހޯދަން އިއުލާންކޮށްފިއެވެ.
Advertisement
ދެ ފަހަރު ޕެރަލިމްޕިކްސްގައި ރާއްޖެ ތަމްސީލް ކޮށްފައިވާ އެތުލީޓު، ފާތުން އިއުލާން ކޮށްފައިވަނީ އޭނާއާއެކު ދުވާނެ އަންހެން ޕާޓްނަރެއް ހޯދާށެވެ. އޭނާއާއެކު ދުވާ ޕާޓްނަރަކަށް، ގައުމީ އެތުލީޓުންނަށް ލިބޭ، 5000 ރުފިޔާގެ އެލަވަންސްވެސް ލިބޭނެ ކަމަށް ފާތުން ބުންޏެވެ.
ފާތުން ވަނީ، މިދިޔަ މަހު ޕެރިހުގައި ބޭއްވި ޕެރަލިމްޕިކްސްގެ އިވެންޓްގައި ޕާސަނަލް ބެސްޓް ހަދައި ހީޓުގެ ތިން ވަނަ ހޯދައިފަ އެވެ. އަދި މިދިޔަ އަހަރު މަޑަގަސްކަރާގައި ބޭއްވި އިންޑިއަން އޯޝަން އައިލެންޑް ގޭމްސްގެ 100 މީޓަރު ދުވުމުގައި ވާދަކޮށް، ލޯ މެޑަލް ހޯދި އެވެ.
ޖަޕާނުގެ ޓޯކިޔޯގައި 2021 ވަނަ އަހަރު ބޭއްވި، ޕެރަލިމްޕިކްސް އާއި މި ފަހަރު ފްރާންސްގެ ޕެރިހުގައި ބޭއްވި ޕެރަލިމްޕިކްސްގައިވެސް ފާތުން ދުވިއެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
