ދިއްގަރު ދާއިރާގެ މެމްބަރު އަހްމަދު ނާޒިމް މިހެން ވިދާޅުވީ މިއަދު މަޖިލީހަށް ހުށައެޅި ކުންފުނިތަކާއި ބެހޭ ގާނޫނަށް އިސްލާހު ހުށައެޅި ބިލުގެ ބަހުސް މަރުހަލާގައެވެ.
ނާޒިމް ވިދާޅުވީ ބީއެމްއެލްގެ އިސް މަގާމުތަކުގައި ބޮޑު މުސާރާގައި ތިބީ ބޭރު މީހުންކަމަށާއި ބޭންކުން ދާދި ފަހުން ކާޑުތަކަށް ޑޮލަރު ދޫކުރާ ލިމިޓް ކުޑަކުރިއިރު ބޭންކުގެ އެންމެ ޒިންމާދާރު މަގާމުތަކުގައި ތިބި ތިން މުވައްޒަފަކު ރާއްޖޭގައި ނެތްކަމަށެވެ. ނާޒިމް ވިދާޅުވީ އެ ބަދަލުތައް ގެނައިއިރު ބޭންކްގެ އޮޕރޭޝަން ޑިރެކްޓަރާއި ކްރެޑިކް ކޮންޓްރޯލް މޭނޭޖަރާއި ރިސްކު މޭނޭޖަރު ރާއްޖޭގައި ނެތްކަމަށެވެ. އަދި މި އެންމެނަކީ 15،000 ޑޮލަރުގެ މުސާރަ ދީފައި ތިބި ބޭރުބައެއްކަން ނާޒިމް ފާހަގަކުރެއްވިއެވެ.
ޕީސީބީއާއި ދައުލަތުގެ ހިއްސާތަކުގެ ބެލެނިވެރި ފާރާތްކަމަށްވާ ފައިނޭންސް މިނިސްޓަރުވެސް ކުންފުނިތަކުގެ ކަންތައްތައް ދުވަހުން ދުވަހަށް ހިނގާގޮތް ވަރަށް ރަނގަޅަށް ބަލަންކެހޭކަމަށްވެސް ނާޒިމް ވިދާޅުވިއެވެ.
