މި ހާދިސާގައި ހިނގާފައިވަނީ މި އަހަރުގެ ޖުލައި މަހުގެ 24 ވަނދުވަހުގެ ވަގުތެއްގައެވެ.
ފުލުހުން ބުނީ މި މައްސަލާގައި ހިމެނުނު ތިން މީހުންގެ މައްޗަށް ދައުވާކުރަން ޕީޖީ އޮފީހަށް ފޮނުވާފައިވާކަމަށެވެ. މި މައްސަލާގައި ހައްޔަރުކޮށްފައިވާ ތިން މީހުން ޝަރީއަތް ނިމެންދެން ބަންދުގެ މުއްދަތު ޖަހާފައިވާކަމަށް ފުލުހުން ބުނެއެވެ.
މި މައްސަލާގައި ދައުވާކުރަން ފޮނުވި މީހުން
މއ. މަސްފަން އުމުރުން 43 އަހަރުގެ ޢާއިޝަތު
މއ. މަސްފަން އުމުރުން 27 އަހަރުގެ މުޙައްމަދު ރީހާން
ސ. ހިތަދޫ / ސޯމާ، އުމުރުން 35 އަހަރުގެ ޝަފީޤު އިބްރާހީމް
މި މައްސަލާގައި ހިމެނޭ ތިން މީހުންގެ ތެރެއިން ދެ މީހުންނަކީ މި މައްސަލާގައި ފޭރުނުކަމަށް ބުނާ ފިރިހެން މީހާ ގެންގޮސް ވެއްދި ގެޔަށް ނިސްބަތްވާ ދެ މީހުންނެވެ.
ފުލުހުން ބުނީ މި ތިން މީހުން ވެގެން މއ. މަސްފަން ގެއަށް ދިވެހި ފިރިހެނަކު ވައްދައި، އެމީހާއަށް ވަޅިން ބިރުދައްކައި އޮރިޔާންކޮށް، އަނިޔާކޮށް، އޭނާގެ މޯބައިލް ފޯނުއަތުލައި އޭނާގެ ބެންކު އެކައުންޓުން ފައިސާ ޓްރާންސްފާކުރުވައި އަދި އޭނާގެ ކޭޝްކާޑު ބޭނުންކޮށްގެން އޭޓީއެމްއިން ފައިސާ ނަގާފައިވާކަމަށެވެ.
