އިމިގްރޭޝަންގެ ނަމުގައި ގޭގެއަށް ވަންނަމުންދާ ދެމީހުން. މި ދެމީހުންގެ މައްސަލަ ބަލަމުންދާކަމަށް އިމްގްރޭޝަނުން ބުނޭ
އިމިގްރޭޝަންގެ ނަމުގައި ގެތަކަށް ވަންނަމުންދާ ބައެއް
މުހައްމަދު އާދަމް އަހްމަދު
17 ސެޕްޓެމްބަރ 2024 - 08:29:45
އިމިގްރޭޝަނުގެ ނަމުގައި ގެތަކަށް ވަދެ އުޅޭ ދެމީހެއްގެ މައްސަލަ ބަލަމުން އަންނަކަމަށް އިމިގްރޭޝަން ކޮންޓްރޯލް މުހައްމަދު ޝައްމާން ވަހީދު ވިދާޅުވެއްޖެއެވެ.
Advertisement
ކޮންޓްރޯލާ މިހެން ވިދާޅުވީ އިމްގްރޭޝަން ނަމުގައި ބަޔަކު ގެޔަށް ވަންނަމުންދާކަމަށް ބުނެ އެމީހުންނަކީ އެ އިދާރާގެ ބައެއްތޯ ސޯޝަލް މީޑިއާގައި އާއްމު ފަރާތަކުން ކުރި ސުވާލަކަށް ޖަވާބުދެއްވަމުންނެވެ.
އެމީހާގެ ސުވާލަށް ޖަވާބު ދެއްވަމުން ކޮންޓްރޯލާ ޝައްމާން ވިދާޅުވީ އިމިގްރޭޝަނުން ހިންގާ ރެއިޑްތަކުގައި އެ އިދާރާގެ އޮފިސަރުން ތިބޭނީ އެއީ ކާކުން އެނގޭގޮތަށް އައިޑީ ފެންނަ ގޮތަށް ހަރުކޮށްގެންކަމަށެވެ. އަދި މިހާރު ރެއިޑްތަކަކީ ޔުނީޕޯމް ލައިގެން ކުރިޔަށް ގެންދާ އޮޕަރޭޝަންތަކެއް ކަމަށްވެސް ޝައްމާން ވިދާޅުވިއެވެ.
" ތި ދެ ފަރާތަކީ އިމިގްރޭޝަންގެ އާއި ގުޅުން އޮތް ފަރާތްތަކެއް ނޫން. އަދި ފުލުހުން މި ދެ މީހުންގެ މައްސަލަ މިހާރު ބަލަމުންދާކަމަށް ވަނީ މައުލޫމާތު ލިބިފައި." އާއްމު މީހަކު ކުރި ސުވާލަށް ޖަވާބުދެއްވަމުން އެކްސްގައި ޝައްމާން ކުރެއްވި ޕޯސްޓްގައިވެއެވެ.
ގަވައިދާ ހިލާފަށް އުޅޭ ބިދޭސީން ހޯދުމަށް އިމިގްރޭޝަނުން އަންނަނީ ގިނަ ރެެއިޑްތަކެއް ހިންގަމުންނެވެ. ތޮއްޖެހިގެން ކުދި ތަންތަންކޮޅުގައި އުޅޭ ބިދޭސީން ހޯދުމަށް އިހަށް ދުވަހު ވަނީ ވަކިން އޮޕަރޭޝަނެއް އިމިގްރޭޝަނުން ފަށާފައެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
