މި މައްސަލަ ހައްލުކުރުމަށްޓަކައި، ސަރުކާރުން ވަނީ ހުޅުމާލޭގައި ވަގުތީ ޕާކިން ޖާގައެއް ކަނޑައަޅާފައެވެ.
އެމްއޭސީއެލް ފްލެޓުތައް ކައިރީ އޮންނަ ހުސް ބިމަކީ މި ބޭނުމަށް ކަނޑައެޅިފައިވާ ސަރަހައްދެވެ. މި ސަރަހައްދަށް އުޅަނދުތައް ގެންދިއުމަށް ފުލުހުން ވަނީ އަންގާފައެވެ. އަދި މި ސަރަހައްދަށް ނުގެންދާ އުޅަނދުތަކުގައި ސްޓިކާ ޖެހުމުގެ މަސައްކަތް ފުލުހުން ވަނީ ފަށާފައެވެ.
ގާވާއިދާ ހިލާފު އުޅަނދުތަކަށް 6 މަސްދުވަހުގެ މުއްދަތެއް ދެވިފައިވާއިރު، މި މުއްދަތުގެ ތެރޭގައި އުޅަނދުތައް ގަވާއިދުގެ ތެރެއިން ރަޖިސްޓްރީ ކުރަންޖެހެއެވެ. ނަމަވެސް، ސަރުކާރުން ބިން ދެއްކި ނަމަވެސް އެކަމަށް އެކަށީގެންވާ އެއްބާރުލުމެއް ލިބެމުން ނުދާކަން ފުލުހުން ފާހަގަރެއެވެ.
މީގެ އިތުރުން، ހަތަރުފުރޮޅުލީ އެހެން އުޅަނދުތައް ޕާކް ކުރުމަށް، ހުޅުމާލެ ފޭސް 1ގެ ޕޮލިސް ފްލެޓް ކުރިމަތިން ވަނީ ހުސް ބިމެއް ދީފައެވެ. މި ފިޔަވަޅުތަކަކީ މާލެ ސަރަހައްދުގައި އިތުރުވަމުންދާ ޕާކިން މައްސަލަ ހައްލުކުރުމަށް އެޅޭ ފިޔަވަޅުތަކެއްކަމަށް ސަރުކާރުން ވަނީ ބުނެފައެވެ.
