ދައުލަތުގެ އޮފީސްތަކާއެކު އެކި ފަރާތްތަކުން ކޮށްފައިވާ މުއާމަލާތްތަކާ ގުޅިގެން ލުއި ދިނުމާއ،ި މަންފާ ހޯދައި ދިނުމާއި ، ފައިސާ މައާފުކޮށްދިނުމަށް ހުށަހަޅާ މައްސަލަތަކުގައި އަމަލުކުރާނެ ގޮތުގެ އުސޫލް ފިނޭންސް މިނިސްޓްރީން މިއަދު ވަނީ އާއްމުކޮށްްފައެވެ.
ފިނޭންސް މިނިސްޓްރީން ބުނީ މި އުސޫލް އެކުލަވާލުމުގެ މަގުސަދަކީ އުލަތުގެ ނަމުގައ،ި ދައުލަތުގެ އޮފީސްތަކުންނާއި ކައުންސިލުތަކުން ހިންގާ މުޢާމަލާތްތަކާ ގުޅިގެން ސީދާގޮތުން ވިޔަސް ނުވަތަ ނުސީދާގޮތުން ވިޔަސ،ް އެއްވެސް ލުޔެއް ނުވަތަ މަންފާއެއް އެއްވެސް މީހަކަށް ނުވަތަ ފަރާތަކަށް ހޯދައިދިނުމާއި ނުވަތަ ދިނުމަށް އެއްބަސްވުމާއި ނުވަތަ ދައުލަތަށް ނުވަތަ ކައުންސިލަށް ލިބެންޖެހޭ އެއްވެސް ފައިސާއެއް މައާފުކޮށްދިނުމުގެ ސަބަބުނ،ް ދައުލަތުގެ މާލިއްޔަތަށް ކުރިމަތިވެދާނެ ހިރާސްތަކާއި ދިގު މުއްދަތުގައި ކޮށްފާނެ ނުރަނގަޅު އަސަރު ދެނެގަތުމަށް ބާރުއެޅުމާއެކ،ު ދައުލަތުގެ މާލިއްޔަތާމެދު އިތުބާރު ދެމެހެއްޓުމަށް ޓަކައި ދައުލަތުގެ އާމްދަނީ އާއި މުދަލާއި އެނޫންވެސް ވަސީލަތްތައް ޒިންމާދާރުގޮތެއްގައި މެނޭޖްކުރެވޭކަން ކަށަވަރުކުރުންކަމަށެވެ.
ކައުންސިލުތައް ފިޔަވައި ދައުލަތުގެ އޮފީސްތަކުން މުއާމަލާތެއްގައި މީހަކަށް ލުޔެއް، މަންފާއެއް ނުވަތަ މާފު ދިނުމަށް ހުށަހަޅާ ހާލަތްތަކުގައި އެ ކަމުގައި ލުޔެއް ދޭން ނުވަތަ މާފު ދޭން ބަންޑާރަ ނައިބުގެ އޮފީހުން ދެކޭ ގޮތް ހޯދަން ޖެހއެވެ. ހުށަހަޅާފައިވާ ލިޔެކިޔުންތަކާ އެކު، ބަންޑާރަ ނައިބުގެ އޮފީހުން ދެކޭ ގޮތް ބަޔާންކޮށް ފޮނުވާ ލިޔުން ފިނޭންސް މިނިސްޓްރީއަށް ހުށަހަޅަން ޖެހޭނެކަމަށްވެސް އަލަށް ނެރުނު އުސޫލުގައިވެެއެވެ. މިގޮތަށް ހުށައަޅާ ހުށައެޅުންތަކުގައި އެދޭ ލުޔެއް ނުވަތަ މާފު ނުދޭން ފިނޭންސް މިނިސްޓަރަށް ނިންމިދާނެކަމަށާއި އެހެންނަމަވެސް ލުއި ދޭން ނުވަތަ މާފު ދޭން މިނިސްޓަރަށް ފެންނަ ހާލަތުގައި ރައީސްގެ ހުއްދަ ހޯދަން ޖެހޭނެކަމަށް އުސޫލުގައިވެއެވެ. އަދި ރައީސް ހުއްދަ ނުދޭ ހާލަތުގައި އެކަން ކުރިއަށް ގެންދާނެ ގޮތެއް ކަނޑައަޅާނީ ރައީސް ދެއްވާ އިރުޝާދެއްގެ ދަށުން ފިނޭންސް މިނިސްޓަރުކަމަށްވެސް އުސޫލްގައިވެއެވެ.
ކައުންސިލްތަކުން އަމަލުކުރަންޖެހޭ ގޮތް
ދައުލަތުގެ އޮފީސްތަކާއި ޓޫރިޒަމް މިނިސްޓްރީން އެއްވެސް ފަރާތަކަށްް ލުއި ދޭން ނުވަތަ މާފު ދޭން ރައީސްގެ ހުއްދަ ހޯދަން ޖެހުނު ނަމަވެސް ލޯކަލް ކައުންސިލްތަކަށް އެކަން ކުރާކަށް ނުޖެހެއެވެ. އުސޫލްގައިވާ ގޮތުން ކައުންސިލެއްގެ މެންބަރުން ހާޒިރުވާ ޖަލްސާއަކުން ފާސްކޮށްގެން ލުއި ދޭން ނުވަތަ މާފު ދޭން ނިންމިދާނެެއެވެ. އެގޮތުން ލުޔެއް ދެވޭ ނުވަތަ މަންފާއެއް ހޯދައިދެވޭ ނުވަތަ ކައުންސިލަށް ލިބެންޖެހޭ ފައިސާއެއް މައާފުކޮށްދެވޭ މީހަކަށް ނުވަތަ ފަރާތަކަށް ލިބޭ ގެއްލުމެއްގައި ނުވަތަ ކުރިމަތިވާ ދަތި ހާލަތެއްގައ،ި އެ މީހަކަށް ނުވަތަ އެ ފަރާތަކަށް އެފަދަ ލުޔެއް ނުވަތަ މަންފާއެއް ހޯދައިދިނުމަކ ނުވަތަ ފައިސާއެއް މައާފުކޮށްދިނުމަކީ އަދުލުވެރި ކަމެއް ކަމުގައި ކައުންސިލަށް ފެންނަންޖެހޭނެކަމަށް އުސޫލުގައިވެއެވެ.
ޓްއަރިޒަމުން އަމަލުކުރަން ޖެހޭ ގޮތް
ޓޫރިޒަމާ ގުޅުން ހުރި ފައިސާގެ މުއާމަލާތްތަކުގައި ލުއި ދެވޭނީ ފުރަތަމަ ދައްކަން ޖެހޭ ފައިސާ ނުވަތަ އަޕްފްރަންޓް ފައިސާ އެއްކޮށް ދައްކައި ހަލާސްކުރުމުން ކަމަށް އުސޫލުގައިވއެވެ. އަދި އަޕްފްރަންޓް ފައިސާ ދައްކަން މިނިސްޓްރީން އަންގާތާ 45 ދުވަހުގެ ތެރޭގައި އެ ފައިސާ ދައްކައި ހަލާސްކުރުމުން މެނުވީ ލުއި ނުވަތަ މާފު ނުދެވޭނެ ކަމަށްވެސް އުސޫލުގައި ވަނީ ކަނޑައަޅާފައެވެ.
ޓްއަރިޒަމް ދާއިރާއިން މާފުދޭން ނިންމާ ހާލަތުގައިވެސް ރައީސްގެ ހުއްދަ ހޯދަންޖެހޭނެކަމަށް އުސޫލުގައިވަނީ ބަޔާންކޮށްފައެވެ.
