ުމުހައްމަދު ޝިފާޒް - ފޮޓޯ: އަވަސް
ޑިމޮކްރެޓްސް ދޫކޮށް އެމްޑީޕީއަށް: ޝިފާޒުގެ ނިންމުމުގެ ފަހަތުގައި ހުރި ބައެއް ސަބަބުތައް
ގުފްތަގް އަޖީރު
15 ޖެނުއަރީ 2025 - 13:26:42
ޑިމޮކްރެޓްސް ޕާޓީގެ ނައިބު ރައީސްކަން ކުރެއްވި މުހައްމަދު ޝިފާޒު އެމްޑީޕީއަށް އަނބުރާ ވަޑައިގަތުމުގެ މައިގަނޑު ސަބަބަކީ ރާއްޖޭގެ މުސްތަގުބަލަށް އެމްޑީޕީއާއެކު މާ ބޮޑަށް މަސައްކަތް ކުރެވޭނެކަމަށް ގަބޫލުކުރެއްވޭތީ ކަމަށް ވިދާޅުވެއްޖެއެވެ.
Advertisement
އެސްއެސްޓީވީގެ ޕްރޮގްރާމެއްގައި ވާހަކަދައްކަވަމުން ޝިފާޒު ވިދާޅުވީ، ޑިމޮކްރެޓްސްއާ އެއްވެސް މައްސަލައެއް އޮތީކީ ނޫން ކަމަށާއި، އެ ޕާޓީން ވެސް މަސައްކަތް ކުރަމުން އަންނަނީ ރަނގަޅު ހަމަތަކެއްގެ ތެރެއިން ކަމަށެވެ. ނަމަވެސް އަމާޒަށް ވާސިލުވުމަށް އެމްޑީޕީގައި ހުރެގެން މަސައްކަތް ކުރުން މުހިންމު ކަމަށް ފެންނާތީ ކަމަށް ވިދާޅުވިއެވެ.
މި ވަގުތަކީ އަމިއްލަ ސިޔާސީ މުސްތަގުބަލަށް ވުރެ ރާއްޖޭގެ މުސްތަގުބަލަށް ވިސްނަންޖެހޭ ވަގުތެއް ކަމަށް ޝިފާޒު ވިދާޅުވިއެވެ.
"އަދި ރާއްޖޭގެ ކަންކަން މިހާރު ދަނީ ކަންބޮޑުވާ މިންވަރަށް. ކޮންމެ ކަމަކަށް ރައްޔިތުން ސަލާންޖަހަން ޖެހޭ ހިސާބަށް ކަންކަން ގޮސްފައިވޭ،" -ޝިފާޒް-
ޑިމޮކްރެޓްސްގެ މެންބަރުންނާ ގާތްކޮށް އުޅުމަށްފަހު ޕާޓީ ބަދަލުކުރުމަކީ ފަސޭހަ ކަމަކަށް ނުވި ނަމަވެސް، އޭގެ މާނައަކީ އެ ޕާޓީގެ މެންބަރުންނާ ދުރުވީ ކަމަށް ނުވާނެ ކަމަށް ޝިފާޒު ވިދާޅުވިއެވެ.
- ޝިފާޒު އެމްޑީޕީއަށް ބަދަލުވީ ރާއްޖޭގެ މުސްތަގުބަލަށް މާ ބޮޑަށް މަސައްކަތް ކުރެވޭނެތީ
- ޑިމޮކްރެޓްސްއާ އެއްވެސް މައްސަލައެއް ނެތްކަން އޭނާ ފާހަގަކޮށްފައިވޭ
- ރާއްޖޭގެ ކަންކަން މިހާރު ދަނީ ކަންބޮޑުވާ މިންވަރަށް ކަމަށް ވިދާޅުވި
- އަމިއްލަ ސިޔާސީ މުސްތަގުބަލަށްވުރެ ގައުމުގެ މުސްތަގުބަލަށް އިސްކަންދޭން ޖެހޭކަމަށް ވިދާޅުވި
- ޑިމޮކްރެޓްސްގެ މެންބަރުންނާ ގުޅުން ބަދަލެއް ނުވާނެކަމަށް ވިދާޅުވި
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
