ކްލަބް މޯލްޑިވްސްގެ އަންހެން ޑިވިޝަން، އެއިޓީން ތާޓީ މުބާރާތުގެ ފައިނަލަށް ވެމްކޯ ދިޔައީ ސެމީގައި ޕޮލިސް ކްލަބު ބަލިކޮށްގެނެވެ. ސެމީ ފައިނަލުގައި ޕޮލިސް ކްލަބްގެ މައްޗަށް ވެމްކޯއިން ކުރި ހޯދީ ފަސް ލަނޑު ހަތަރު ލަނޑުންނެވެ.
ސެމީގެ އަނެއް މެޗުގައި ސްޓެލްކޯގެ މައްޗަށް އެމްޕީއެލްވަނީ ކުރި ހޯދާފައެވެ. އެ މެޗުން އެމްޕީއެލް މޮޅުވީ ތިން ލަނޑު ސުން ލަނޑުންނެވެ.
ފައިނަލްގައި އަންނަ ހުކުރު ދުވަހުގެރޭ ކުޅޭ ވެމްކޯ އާއި އެމްޕީއެލް ވަނީ މުބާރާތުގެ ގްރޫޕް ސްޓޭޖުގައި ދެ ފަހަރެއްގެ މަތިން ކުޅެފަ އެވެ. އެ ދެ މެޗު ވެސް ކުޅެގެން ވެމްކޯ އިން މޮޅުވި ނަމަވެސް، އެ ދެ މެޗުގައި ކުޅެފައިވަނީ، ގަވާއިދު ބުނާގޮތުން ޓީމުގައި ނުހިމެނޭނެ ކުޅުންތެރިއަކަށްވާތީ، އެ މައްސަލަ ހުށަހަޅައިގެން އެމްޕީއެލް އަށް މެޗުތައް ލިބުނީ އެވެ. ވެމްކޯ އަކީ ކްލަބް މޯލްޑިވްސް އެއިޓީން ތާޓީ ގެ އެންމެ ފަހު ޗެމްޕިއަނެވެ. އަނެއްކޮޅުން އެމްޕީއެލް އަކީ އެ މުބާރާތުގެ ޗެމްޕިއަންކަން ތިން ފަހަރު ހޯދާފައިވާ ޓީމެކެވެ.
މި ފަހަރު ކްލަބް މޯލްޑިވްސް އިން ކުރިއަށްގެންދާ ހަމައެކަނި އަންހެން މުބާރާތް އެއިޓީން ތާޓީގައި ބައިވެރިވީ ހަތް ޓީމެކެވެ.
