މި ތިން މީހުންނަކީވެސް ދިވެހިންނެވެ. މި ތިން މީހުންނަކީ މިދިޔަ އަހަރުގެ ނޮވެމްބަރު މަހުގެ ތެރޭގައި މާލޭގައި ހިނގި މާރާމާރީއަކަށް ފަހު ފިލައިގެން ދިޔަ ބަޔަކެވެ.
އޭރު ފުލުހުން އާއްމުކުރި މައުލޫމާތުގައިވަނީ މާރާމާރީއާ ގުޅިގެން ހައްޔަރުކުރީ އުމުރުން 18 އަހަރާއި، 22 އަހަރާއި، 24 އަހަރުގެ ތިން މީހުން ކަމަށެވެ.
މި މީހުން ރާއްޖެއިން ފިލީ މި މާރާމާރީއާ ގުޅިގެން ބަންދުގައި ތިއްބާ ކޯޓުން އެމީހުން މިނިވަންކުރުމުންނެވެ. އަދި އެ މައްސަލަ އިސްތިއުނާފުކޮށް ކޯޓުން އެމީހުން ބަންދުކުރަން އަލުން އަމުރު ނެރުން އިރު ތިން މީހުންވެސް ވަނީ ރާއްޖެއިން ފިލައިގެން ގޮސްފައެވެ.
މި މީހުން ފިލައިގެން ދިޔުމުން ފުލުހުންވަނީ އެ މީހުން ހޯދަން އިންޓާޕޯލް ރެޑް ނޯޓިސްވެސް ނެރެފައެވެ. މި މީހުން އަތުލައިގަތީ ތައިލެންޑްގެ ފުލުހުންކަމަށް އެނގިފައިވެއެވެ. ދިވެހި ފުލުހުންގެ ހިދުމަތުން ވަނީ އެމީހުން ހައްޔަރުކޮށްގެން މާލެ ގެނެސް ބަންދުކޮށްފަައެވެ. މީގެތެރެއިން ދެ މީހަކު މިއަދު މާލެ ގެނައި އިރު އަނެކަކު މީގެ ދުވަސްކޮޅެއް ކުރިން މާލެ ގެނެސްފައިވާކަން ވަނީ އެނގިފައެވެ.
