އެފްއޭއެމްގެ ބޮޑު ހިޔާނާތާ ގުޅިގެން އެ އިދާރާގެ ކުރީގެ ރައީސް ބައްސާމް އަދީލް ޖަލީލްގެ މައްޗަށް އުފުލާފައިވާ ދައުވާ މިހާރުވަނީ ފެށިފައެވެ. އެހެން އެކަން އޮއްވާ، ފުލުހުން ބުނީއެފްއޭއެމުގެ ކުރީގެ ރައީސް ބައްސާމް އަދީލް ޖަލީލް އެއިދާރާގެ ފައިސާ ބޭނުންކޮށް އަމީން އެވެނިއުއިން އެޕާޓްމަންޓެއް (ޕެންޓް ހައުސް) ގަނެފައިވާ މައްސަލާގައި ދައުވާކުރަން ފޮނުވި އިތުރު ދެ މީހުންގެ ތެރޭގައި އެފްއޭއެމުގެ ވަޒީފާގައި ހުރި މ. ހިރިނައިދޫ ހަސަން ވަހީދު (ދޮނާ) އާއި އެފްއޭއެމުގެ ފައިނޭންޝަލް ހެޑް ގއ. ގެމަނަފުށީ ފެހިކުރި މުހައްމަދު އަގީލް ހިމެނޭ ކަމަށެވެ.
ފުލުހުން ބުނީ ބައްސާމް ހުޅުމާލެ އަމީން އެވެނިއުގެ ދެ އެޕާޓްމަންޓް އެފްއޭއެމުގެ ފައިސާ ބޭނުންކޮށްގެން ގަނެފައިވާ ކަމަށެވެ. މި ދެ އެޕާޓްމަންޓް ގަނެފައިވަނީ ކޮވިޑްގެ ތެރޭގައި ފުޓްބޯޅަ ކުލަބުތަކަށް އެހީވުމަށް 2021 ވަނަ އަހަރު ފީފާއިން ނެގި ލޯނެއްގެ ފައިސާއިންނެވެ.
އެފްއޭއެމްގެ ހިޔާނާތާ ގުޅިގެން ބައްސާމް މިހާރު ހުރީ ފީފާއިން ސަސްޕެންޑް ކޮށްފައެވެ.
