މިދިޔަ އަހަރުގެ ސެޕްޓެމްބަރު މަހުގެ 4 ވަނަ ދުވަހު މާލޭގައި ތޫނު އެއްޗަކުން މާރާމާރީ ހިންގުމަށްފަހު ފިލިގެންދިޔަ މައްސަލާގައި 3 މީހަކު ވަނީ ހައްޔަރުކޮށްފައެވެ.
ފުލުހުން ބުނީ ކޯޓު އަމުރެއްގެ ދަށުން މި ތިން މީހުން ހައްޔަރުކުރީ ތައިލެންޑުން ރާއްޖެއައި ވަގުތު ވެލާނާ އިންޓާނެޝަނަލް އެއާޕޯޓުން ކަމަށެވެ. މި ތަނުން އެކަކު ހައްޔަރުކުރީ މިމަހުގެ 18 ވަނަ ދުވަހު ކަމަށާއި އަނެސް ދެމީހުން ހައްޔަރުކުރީ ޖެހިގެން ދުވަހުކަމަށެވެ.
ފިލައިގެން އުޅނިކޮށް ހައްޔަރުކޮށްފައިވާ ތިން މީހުންނަކީ:
- މުހައްމަދު އަހުސަމް / ހ. ދޮންތުނޑި (26 އަހަރު )
- އަސްވާނު މުހައްމަދު / ލ. ގަން، މުކުރިމަގު (28 އަހަރު)
- މުހައްމަދު ސިބާތު އަބްދުﷲ / މ. މަސްކޮތަންގެ (19 އަހަރު)
މި މީހުންގެ ތެރެއިން އަސްވާނު މުހައްމަދު ބަންދުން ދުކޮށްް އަނެއް ދެމީހުން ޝަރީއަތް ނިމެންދެން ބަންދުކުރުމަށް ކޯޓުން އަމުރު ނެރެފައިވާކަމަށް ފުލުހުން ބުނެއެވެ.
މި މީހުން ރާއްޖެއިން ފިލީ މި މާރާމާރީއާ ގުޅިގެން ބަންދުގައި ތިއްބާ ކޯޓުން އެމީހުން މިނިވަންކުރުމުންނެވެ. އަދި އެ މައްސަލަ އިސްތިއުނާފުކޮށް ކޯޓުން އެމީހުން ބަންދުކުރަން އަލުން އަމުރު ނެރުން އިރު ތިން މީހުންވެސް ވަނީ ރާއްޖެއިން ފިލައިގެން ގޮސްފައެވެ.
މި މައްސަލަ ފުލުހުން އަންނަނީ ތަހުގީގުކުރަމުންނެވެ.
.
