އިމިގްރޭޝަނުން ބުނީ ގަވައިދާ ހިލާފަށް އުޅޭ ބިދޭސީން ހޯދާ ފިޔަވަޅު އެޅުމަށް ކުރަމުން އަންނަ މަސައްކަތުގެ ދަށުން 30 ބިދޭސީއަކު ބުރާސްފަތި ދުވަހު ޑީޕޯޓްކޮށްލައިފައިވާކަަމަށެވެ.
ޑިޕޯޓްކޮށްލާފައިވާ 30 މީހުންގެ ތެރޭގައި ހިމެނެނީ އިންޑިއާއި ބަންގްލަދޭޝާއި ލަންކާގެ އިތިރުން ނޭޕާލަށް ނިސްބަތްވާ މީހުން ކަމަށެވެ. މި އެންމެންވެސް ރާއްޖޭ ނާދެވޭ ގޮތަށް ފޮނުވާލީ ގާނޫނު ތަންފީޒު ކުރަން ކުރަމުން އަންނަ މަސައްކަތުގެ ދަށުންކަމަށް އިމިގްރޭޝަނުން ބުނެއެވެ.
ގަވައިފާ ހިލާފަށް އުޅުނު ބިދޭސީން ފުރުވާލަން އެއާޕޯޓްގައި
ރާއްޖޭގައި ގަވައިދާ ހިލާފަށް އުޅޭ ބިދޭސީން ހޯދުމަށް އިމިގްރޭޝަނުން ކޮންމެ ދުވަހަކު ކަހަލަ ގޮތަކަށް އަންނަނީ ރެއިޑްތައް ހިންގަމުންނެވެ.
ގަވައިދާ ހިލާފަށް އުޅުނިކޮށް އަތުލައިގެން ބިދޭސީންގެ ތެރެއިން މިއަހަރުގެ ފުރަތަމަ 6 މަސްދުވަހުގެ ތެރޭގައި 3000 ވުރެ ގިނަ ބިދޭސީން ޑީޕޯޓްކޮށްލާފައިވާކަމަށް އިމިގްރޭޝަނުން ވަނީ ބުނެފައެވެ.
ރާއްޖެގައި ދިމާވެފައިވާ ބިދޭސީންގެ މައްސަލަތައް ތިން އަހަރުގެ ތެރޭގައި ހައްލުކުރާނެކަމަށް ދާހިލީ ވަޒީރު އަލީ އިހްސާާން ވަނީ ވިދާޅުވެފައެވެ.
