މިކަމާ ގުޅޭ މަޝްވަރާތައް ކުރިއަށް ގެންދިޔައީ އިންޑިއާއިން ރާއްޖެއަށް ކަނޑައަޅުއްވާފައި ހުންނަވާ ސަފީރު މުނޫ މަހާވަރު އާއި ސްޕޯޓްސް މިނިސްޓަރު އަބްދުﷲ ރާފިއު ކުރިއަށްގެންދެވި ބައްދަލުވުމުގައެވެ.
ސްޕޯޓްސް މިނިސްޓްރީން ބުނީ އެ ބައްދަލުވުމުގައި އެތުލެޓިކްސް އަދި ޓޭބަލް ޓެނިސް ކަހަލަ ކުޅިވަރުތަކުގެ އެތުލީޓުން ދިގު މުއްދަތަށް އިންޑީއާގައި ބަހައްޓައިގެން ތަމްރީން ކުރުމާ ގުޅޭގޮތުން ދެ ބޭފުޅުން ވާހަކަދެއްކެވިއެވެ. އަދި އޭގެ އިތުރުން ކުޅިވަރުގެ އެކި ދާއިރާތަކުން މީހުން ތަމްރީންކުރުމަށް ކުރެވިދާނެކަންކަމާ ގުޅޭގޮތުން ވެސް މަޝްވަރާކުރެއްވިއެވެ.
ސްޕޯޓްސް މިނިސްޓަރު އަބްދުﷲ ރާފިއު ހުށަހެޅުއްވި ކަންކަން ހަމަޖައްސައިދެއްވުމަށް މަސައްކަތްކޮށްދެއްވާނެކަމަށް އިންޑީއާ ސަފީރު މުނޫ މަހާވަރް ވިދާޅުވިއެވެ. އަދި ޒަމާނުއްސުރެ ކުޅިވަރުގެ ދާއިރާއިން ދެ ގައުމުގެ ދެމެދުގައި އޮތް ގުޅުން ތަރައްގީ ކުރުމާ ގުޅޭގޮތުންވެސް ވަނީ މި ބައްދަލުވުމުގައި މަޝްވަރާ ކުރައްވާފައެވެ.
މިފަހުން އައިސް ދިވެހި އެޓްލީޓުންނާއި ކުޅުންތެރިންވަނީ ބައިނަލްއަގްުވާމީ ޕްލެޓްފޯމްތަކުގައި މަތީ ވަނަތައް ކާމިޔާބުކޮށް ގައުމަށް ފަހުރުވެރި ނަންތައް ހޯދާލެއް ގިނަކަމަށް ޔޫތް މިިނިސްޓްރީން ބުނެއެވެ.
