އަމިއްލަ ގައުމުގައި ބޫޓާނުން ލަންކާއާ ދެކޮޅަށް ކުޅެ މޮޅުވީ ފަސް ލަނޑު އެއް ލަނޑުންނެވެ. މި ގްރޫޕުގައި ދެން ހިމެނެނީ ޕާކިސްތާނާ ނޭޕާލްއެވެ. ޕާކިސްތާނާ ނޭޕާލްގެ މެޗުން ޕާކިސްތާނުވަނީ އެއް ލަނޑުން މޮޅުވެފައެވެ.
މި މުބާރާތުގައި ރާއްޖެ ހިމެނޭ ގްރޫޕުގެ ފުރަތަމަ މެޗުގައި އިންޑިޔާއިންވަނީ ބަންގްލަދޭޝް ބަލިކޮށްފައެވެ. ބަންގްލަދޭޝް ދެން ކުޅޭނީ ރާއްޖެއާއެވެ. މި މެޗު ކުޅޭނީ މިއަދުއެވެ. ސާފް 17 އަހަރުން ދަށުގެ މުބާރާރުގައި ވާދަކުރާ ދިވެހި ޓީމާމެދު ފަހުރުވެރިވާނެ ފަދަ ނަތީޖާއެއް ނެރެން ބޭނުން ކަމަށް އެ ޓީމުގެ ކޯޗު މުހައްމަދު އާދަމްވަނީ ބުނެފައެވެ. ކޯޗު ބުނީ، ދިވެހި ޓީމު އޮތީ މި މުބާރާތަށް ރަނގަޅަށް ތައްޔާރުވެފައި ކަމަށެވެ.
ސާފް ޗެމްޕިއަންޝިޕް 17 އަހަރުން ދަށުގެ މުބާރާތުގެ އެއް ގްރޫޕުގައި ރާއްޖެ، އިންޑިޔާ އަދި ބަންގްލަދޭޝް ހިމެނޭއިރު، އަނެއް ގްރޫޕުގައި ހިމެނެނީ ނޭޕާލް، ބޫޓާން އަދި ޕާކިސްތާނާއި ސްރީ ލަންކާއެވެ.
