ހެރީ ކޭން
ބޮޑު މޮޅަކާއެކު ހެރީ ކޭން ރެކޯޑް ފޮތަށް
ސްޕޯޓްސް ޓީމް
22 ސެޕްޓެމްބަރ 2024 - 10:30:43
ބުންޑަސްލީގާގެ ތާރީހުގައި އެންމެ ގިނަ ލަނޑު ޖެހި އިނގިރޭސި ކުޅުންތެރިޔާގެ މަގާމް، އިގިރޭސި ކެޕްޓަން ހެރީ ކޭން ހޯދައިފިއެވެ.
Advertisement
ޖަރުމަނުގައި އެންމެ ގިނަ ލަނޑު ޖެހި އިގިރޭސި ކުޅުންތެރިޔާގެ ރެކޯޑް ހެރީ ކޭން ހޯދީ ބަޔާން މިއުނިކުން ވާޑާ ބްރޭމަން އަތުން ފަސް ލަނޑު ސުން ލަނޑުން މޮޅުވި މެޗުގައި ހެރީ ކޭން ޖެހި ލަނޑާއެކުއެވެ. ވާޑާ ބްރޭމަން ކޮޅަށް ކޭން ޖެހި ލަނޑަކީ ދެވަނަ ސީޒަނެއްގައި ޖަރުމަނުގައި ކުޅެމުން އަންނަ ކޭން ޖެހި 41 ވަނަ ލަނޑެވެ. މިއާއެކު އޭނާވެފައިވަނީ ޖަރުމަން ލީގުގައި އެންމެ ގިނަ ލަނޑު ޖެހި އިގިރޭސި ކުޅުންތެރިޔާއަށެވެ.
41 ލަނޑާއެކު ހެރީ ކޭން، އެންމެ ގިނަ ލަނޑު ޖެހި އިގިރޭސި ކުޅުންތެރިޔާގެ ރެކޯޑް ހެދިއިރު، މި ރެކޯޑް ކުރިން އޮންނަނީ ޖޭޑަން ސަންޗޯ އަތުގައެވެ. ޖަރުމަންގެ ބޮރޫޝިއާ ޑޯޓްމަންޑަށް ކުރިން ކުޅުނު ސަންޗޯވަނީ ބުންޑެސްލީގާގައި 40 ގޯލް ޖަހާފައެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
