ކުޅިވަރު ވުޒާރާއިން މުބާރާތުގެ ޗެމްޕިއަންކަން ހޯދީ ރޭ ކުޅުނު ފައިނަލް މެޗުގައި އެމްއެމްއޭގެ މައްޗަށް ކުރި ހޯދައިގެންނެވެ. މިފަހަރަކީ ކުޅިވަރު ވުޒާރާއިން މި މުބާރާތުގައި ކުޅުނު ފުރަތަމަ ފަހަރުވެސް މެއެވެ.
ކުޅިވަރު ވުޒާރާ އިން ފައިނަލަށް ދިޔައީ ސެމީ ފައިނަލް ފުރަތަމަ މެޗުގައި، 6-2 އިން ޓީމު ބަދަހި ބަލިކޮށްގެނެވެ. އެމްއެމްއޭ ފައިނަލަށް ދިޔައީ ސެމީ ފައިނަލް ދެ ވަނަ މެޗުގައި ފޯރިގަދަ މެޗަކަށް ފަހު، މިދިޔަ އަހަރުގެ ރަނަރަޕް، ޕީޖީ ބަލިކޮށްގެނެވެ.
ކްލަބް މޯލްޑިވްސް އިން މި އަހަރު ބާއްވާ މުބާރާތްތަކީ، ކްލަބް މޯލްޑިވްސް ކަޕް، ކިންގްސް ކަޕް، ކްލަބް މޯލްޑިވްސް ކްލަސިކް އަދި އެއިޓީން ތާޓީ ފުޓްސަލް ފިއެސްޓާ އެވެ. މީގެ ތެރެއިން ކިންގްސް ކަޕް، ކްލަބް މޯލްޑިވްސް ކްލަސިކް އަދި އެއިޓީން ތާޓީ ފުޓްސަލް ފިއެސްޓާ މިހާރު ނިމުނީއެވެ.
ސަރުކާރު ހިއްސާވާ ކުންފުނިތަކާއި އަމިއްލަ ކުންފުނިތަކަށް ހުޅުވާލައިގެން ކްލަބް މޯލްޑިވްސް އިން 2006 ވަނަ އަހަރުން ފެށިގެން ގަވާއިދުން ބާއްވަމުން އައި ކްލަބް މޯލްޑިވްސް ކަޕަކީ އަހަރެއްގެ ތެރޭގައި އެންމެ ގިނަ ބަޔަކު އިންތިޒާރުކުރާ މުބާރާތެވެ. ކޮވިޑް-19ގެ ސަބަބުން އެކި ކަންކަމަށް އައި މެދުކެނޑުމާ ހެދި 2020 ވަނަ އަހަރު ކްލަބް މޯލްޑިވްސް ކަޕް ނުބޭއްވުނެވެ. އެކަމަކު، ފާއިތުވި ތިން އަހަރު އެ މުބާރާތް ވަނީ ކާމިޔާބުކަމާ އެކު ބާއްވައިފަ އެވެ.
