ޝުޖާއު މިހެން ވިދާޅުވެފައި މިވަނީ ރައީސް ޑރ. މުހައްމަދު މުއިއްޒު އދ އަށް ވަޑައިގަތުމުން ރައީސް ޔާމީން އުފެއްދެވި ޕީއެންއެފްގެ ބައެއް މެމްބަރުން އެކަމަށް ފާޑުކިޔަމުންދާ ވަގުތެއްގައެވެ.
ޑރ މުއިއްޒުގެ އަރިސް ބޭފުޅުންގެ ތެރޭގައި ހިމެނިވަޑައިގަންނަވާ އިބްރާހިމް ޝުޖާއު އެކްސްގައި ކުރެއްވި ޕޯސްޓެއްގައި ވިދާޅުވީ އ.ދ ގައި ރައީސް ޑރ. މުއިއްޒު ތަޤްރީރު ކުރައްވާތީ އާއި ރާއްޖޭގެ ރައީސުލްޖުމްހޫރިއްޔާގެ ހައިސިއްޔަތުން އެމަނިކުފާނު އ.ދ އަށް ވަޑައިގެންނެވި ހިސާބުން ރައީސް ޔާމީން ލޮލަށް ނިދި ނާންނަނަކަމަށެވެ.
ރާއްޖޭގެ ވެރިކަމަށް ވަޑައިގެން ގިނަ ބޭފުޅުން ވަނީ އދ އާއްމު މަޖލީހަށް ވަޑައިގެން ތަގުރީރުކުރައްވާފައެވެ.
ރާއްޖޭގެ މަތީ ފަންތީގެ ވަފުދަކާއެކު ރައީސް އެމެރިކާގެ ނިއުޔޯކަށް ވަޑައިގަތީ އދ.ގެ އާންމު މަޖިލީހުގެ 79 ވަނަ ބައްދަލުވުމުގައި ބައިވެރިވެވަޑައިގަތުމަށެވެ. 79 ވަނަ ބައްދަލުވުމުގައި ރައީސް ޑރ. މުހައްމަދު މުއިއްޒު ތަގުރީރުކުރެއްވުމަށް ހަމަޖެހިފައިވަނީ މިމަހުގެ 24 ވާ އަންގާރަ ދުވަހުގަ އެވެ.
މިއީ ރާއްޖޭގެ ރައީސަކު އދ.ގެ ސެކިއުރިޓީ ކައުންސިލްގައި ތަގުރީރުކުރައްވާ ފުރަތަމަ ފަހަރުކަން ފާހަގަކޮށްލެވެއެވެ. އެމަނިކުފާނުގެ މިދަތުރުފުޅު ދިމާވަނީ ދިވެހިރާއްޖެ އދ.ގެ މެންބަރު ގައުމަކަށް ވީތާ 59 އަހަރު ފުރޭ މުނާސަބަތާވެސް މެއެވެ.
