ހައުސިން މިނިސްޓްރީން ބުނީ މަކުނުދޫ ބިންހިއްކުމުގެ މަޝްރޫއު މިހާރު ވަނީ 90 އިންސައްތައަށް ވުރެ ބޮޑުބައި ނިމިފައިވާކަމަށެވެ.
ހދ. މަކުނުދޫ އެއާޕޯޓު ބިން ހިއްކުމާ ގޮނޑުދޮށް ހިމާޔަތްކުރުމުގެ މަސައްކަތުގެ މަޝްރޫއު ފެށީ މިދިޔަ އަހަރުގެ ޖޫން މަހުގައެވެ.
މަކުނުދޫ އެއާޕޯޓު ބިން ހިއްކުމާ ގޮނޑުދޮށް ހިމާޔަތްކުރުމުގެ މަޝްރޫއުގެ ދަށުން ކުރުމަށް ހަމަޖެހިފައިވާ މައިގަނޑު މަސައްކަތްތަކަކީ:
- އެއާޕޯޓަށް ބޭނުންވާ 43.12 ހެކްޓަރުގެ ބިން ހިއްކުން
- 3،493 މީޓަރުގެ ރިވެޓްމެންޓު ޖެހުން
ހައުސިން މިނިސްޓްރީގެ ފަރާތުން މި މަސައްކަތް ބިގް ފިޝް މޯލްޑިވްސް ޕްރައިވެޓް ލިމިޓެޑްއާއި ހަވާލުކޮށްގެން ކުރިއށް ދާއިރު އެ މަޝްރޫއުގެ އަގަކީ 246 މިލިއަން ރުފިޔާއެވެ.
މަކުނުދޫގައި އެއާޕޯޓު 1500 މީޓަރުގެ ރަންވޭއަކާއެކު ތަރައްގިކުރަން ނިންމިނަަމަވެސް މަކުނުދޫގެ ރައްޔިތުންގެ އެދުމުގެ މަތިން 1800 މީޓަރަށް ރަންވޭ ބޮޑުކޮށް ދެއްވާނެ ކަމުގެ ޔަގީންކަން ރައީސް ޑރ. މުއިއްޒު ވަނީ ދެއްވާފައެވެ.
