ފުލުހަކު މަގުމަތީގައި ޓްރެފިކް ބަލަހައްޓަނީ.
ފަރުވާކުޑަ ޑްރައިވަރުންނަށް ދޭ އަދަބު ހަރުކަށިކޮށްފި: އުޅަނދު 30 ދުވަހަށް ހިފެހެއްޓޭނެ
ގުފްތަގް އަޖީރު
23 ސެޕްޓެމްބަރ 2024 - 17:14:08
ނުރައްކާތެރިކޮށް ނުވަތަ ފަރުވާކުޑަކޮށް އެއްގަމު އުޅަނދު ދުއްވުމުން 30 ދުވަހުގެ މުއްދަތަށް އެ އުޅަނދެއް ހިފެހެއްޓޭ ގޮތަށް އުޅަނދުތައް ދޫކުރުމާ ގުޅޭ އައު އުސޫލެއް މިނިސްޓްރީ އޮފް ޓްރާންސްޕޯޓޭޝަން އިން ތައާރަފުކޮށްފިއެވެ.
Advertisement
މި އައު އުސޫލުގެ ދަށުން، އެކި ބާވަތުގެ ކުށްތަކާ ގުޅިގެން ހިފެހެއްޓޭ އުޅަނދުތައް ދޫކުރެވޭނެ މުއްދަތުތައް ވަނީ ކަނޑައަޅާފައެވެ.
މީގެ ތެރޭގައި:
- ދުވެލީގެ މިންގަނޑާ ހިލާފަށް ދެ ފަހަރަށް ވުރެ ގިނައިން ދުއްވުމުގެ ސަބަބުން ހިފެހެއްޓޭ އުޅަނދުތައް ދޫކުރެވޭނީ 15 ދުވަހުގެ މުއްދަތު ހަމަވުމުން
- ލައިސަންސް ނެތި ދުއްވުމުގެ ސަބަބުން އަދި އުޅަނދުގެ އަސްލު ގެއްލޭގޮތަށް ބަދަލު ގެނެސްގެން ދުއްވާ އުޅަނދުތައް ދޫކުރެވޭނީ 15 ދުވަހުގެ މުއްދަތު ހަމަވުމުން
- ގަވާއިދާ ހިލާފަށް ޕާކުކޮށްފައިވާ އުޅަނދުތައް ދޫކުރެވޭނީ 48 ގަޑިއިރު ހަމަވުމުން
މީގެ އިތުރުން، ރަޖިސްޓްރީ ނަންބަރާ ގުޅޭ މައްސަލަތަކުގައި ހިފެހެއްޓޭ އުޅަނދުތަކާއި، އިންޖީނު އަދި ޗެސިސް ނަންބަރަށް ބަދަލު ގެނެސްގެން ދުއްވާ އުޅަނދުތަކާ ގުޅޭ ހާއްސަ އުސޫލުތަކެއް ވެސް ވަނީ ކަނޑައަޅާފައެވެ. އެކްސިޑެންޓުގެ މައްސަލަތަކާ ގުޅިގެން ހިފެހެއްޓޭ އުޅަނދުތައް ދޫކުރެވޭނީ ތަހުގީގު ނިމުމަށްފަހު ހަތް ދުވަހުގެ ތެރޭގައެވެ.
މިނިސްޓްރީން ބުނެފައިވާ ގޮތުގައި މި އައު އުސޫލުތަކުގެ މަގްސަދަކީ މަގުމަތީގެ ސަލާމަތާއި ރައްކާތެރިކަން އިތުރުކޮށް، ޤާނޫނާއި ގަވާއިދުތަކަށް ހުރުމަތްތެރިކޮށް ހިތުމަށް ބާރުއެޅުމެވެ.
100%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
