މި ބައްދަލުކުރެއްވުމުގައި ރައީސް އައްބާސް ވަނީ ބައިނަލްއަޤްވާމީ މުޖުތަމަޢަށް ވަރުގަދަ މެސެޖެއް ދެއްވައިފާކަމަށް ރައީސް އޮފީހުން ބުނެއެވެ.
އައްބާސްވަނީ ފަލަސްޠީނުގެ ރައްޔިތުންގެ ހާލަތު ހައްލުކުރުމަށް ދުނިޔޭގެ އެއްބާރުލުމާއި ބޭނުންވާކަމަށް ވިދާޅުވެ އެކަމަށް އެހީވުމަށް ގޮވާލައްވާފައިކަމަށް ރައީސް އޮފީހުން ބުނެއެވެ.
އައްބާސްއާ ބައްދަލުކުރައްވާ ރއީސް ޑރ މުއިއްޒު ދެއްކެވި ވާހަކަފުޅުގައި، ފަލަސްޠީނަށް ރާއްޖެއިން އަބަދުވެސް އެއްބާރުލުން ދެމުން ގެންދަވާނެކަަމުގެ ޔަޤީންކަން ދެއްވިއެވެ. އަދި ފަލަސްޠީނުގެ ރައްޔިތުންނަށް ލިބެންޖެހޭ ހުރިހާ ހައްޤުތަކެއް ލިބިގެންދާނެކަމަށް އުއްމީދުކުރައްވާކަމަށާއި، ފަލަސްޠީނަކީ މިނިވަން ޤައުމެއްގެ ގޮތުގައި ބައިނަލްއަޤްވާމީ ފެންވަރުގައި ބަލައިގަތުމަށް ރާއްޖެއިން އަބަދުވެސް ވަކާލާތުކޮށް މަސައްކަތް ކުރައްވާނެކަަމަށް ރައީސް ޑރ. މުިއއްޒު ވިދާޅުވީއެވެ.
ރައީސް އޮފީހުން ބުނީ މި ބައްދަލުކުރެއްވުން ނިންމާލީ ރާއްޖެއާއި ފަލަސްޠީނާ ދެޤައުމުގެ ދެމެދުގައި އޮތް ސިޔާސީ ގުޅުން އިތުރަށް ބަދަހިކުރުމަށާއި، ދެޤައުމުގެ މަސްލަހަތު ހިމެނޭ ކަންކަމުގައި އެކުގައި މަސައްކަތްކުރާނެކަމުގެ ޔަޤީންކަން ދެ ރައީސުން ދެއްވުމަށްފަހު ކަމަށެވެ.
