ދައުލަތުގެ މީޑިއާއަށް މައުލޫމާތުދެއްވަމުން ޔޫތް މިނިސްޓަރު އިބްރާހީމް ވަހީދު ވަނީ މިވަގުތު މުޅި ދުނިޔެ ފާހަގަކުރަމުންދާ އެންމެ ބޮޑު ޗެލެންޖަކަށް ފެންނަނީ ފޭކު ނިއުސްގެ މައްސަލަ ކަމަށެވެ.
އާންމު މީހާއަށް ނޯޓިފައި ވާން ދިމާވާ ދަތިތައް ރާއްޖޭގައިވެސް އެބައޮތް ކަމަށާއި ހަގީގަތުގައިވެސް މިސްއިންފޯމޭޝަންއަކީ ވަރަށް ބޮޑަށް ހަގީގަތް އޮޅި އެކަމުގެ ސަބަބުން މީހުންގެ ދިރިއުޅުމަށް ވަރަށް ބޮޑަށް އަސަރު ކުރާ ކަމެއްކަަމަށް މިނިސްޓަރު ވިދާޅުވި އެވެ.
މިޒަމާނަކީ ކުރީގައި އޮންނަ ގޮތަކަށް ސިޓިން ރޫމްގައި ތިބެގެންް ޓީވީ ބެލި ޒަމާނެއް ނޫން ކަމަށާއި ޒުވާނުން ކޮފީގައި ރަށްޓެހިންނާއ އެކު ތިބެ ޕްރޮގްރާމްއަށް ރިއެކްޓްކުރަނީވެސް އެހާވެސް ހަލުވިކޮށް އަވަހަށް ކަަމަށް މިނިސްޓަރު ވަހީދު ވިދާޅުވި އެވެ.
މިސް އިންފޯމޭޝަން، ނުވަތަ ފޭކު ނިއުސްއާއި ރަނގަޅު ހަބަރު ފަތުރާ ރައްޔިތުން އަހުލުވެރިކުރުމަކީ ޔޫތް މިނިސްޓްރީގެ ޒިންމާއެއް ކަމަށް ފާހަގަކުރައްވާ މިނިސްޓަރު ވަނީ އެކަންކަމަށް، ޓެކްނޮލޮޖީއާ އެއްވަރަށް ރައްޔިތުންގެ ހޭލުންތެރިކަންވެސް އިތުރުކުރަން ޖެހޭ ކަމަށް ވިދާޅުވެފަ އެވެ. އަދި އުފައްދާތަކެއްޗަކީ މުޖްތަމައުއަށް އަސަރެއް ކުރާ އެއްޗެއްތޯ އެ އުފައްދާ މީހުންވެސް ބަަލަން ޖެހޭ ކަމަށް މިނިސްޓަރު ވިދާޅުވި އެވެ.
އެކަން އެގޮތަށް އޮތްއިރު ގިނަ ނޫސްވެރިންނާއި ނޫސްތަކުން ހަގީގަތާ އެއްގޮތަށް ލިޔުއްވާކަމަށް މިނިސްޓަރު ފާހަގަކުރެއްވި އެވެ. އަދި ސަރުކާރުން ދެމިތިބޭނީ ޒުވާނުން އެކަމެއްގައި ކުރިއަށް ދާން ތިބި ކަމަށްވާނަމަ އެބޭފުޅުނަށް އެ ފުރުސަތު ހޯދައިދީ ފަހިކޮށްދިނުމަށްކަމަށް މިނިސްޓަރު ވިދާޅުވި އެވެ.
