އޭނާ އިތުރަށް ވިދާޅުވީ ޕާޓީއަށް މެންބަރުން އިތުރު ކުރުމަށް މިހާރު ކުރިއަށް ގެންދާ ހަރަކާތްތަކުގެ ތެރެއިން ޕާޓީގެ ލީޑަޝިޕުން އެ މަސައްކަތް ކުރިއަށް ގެންދާ ކަމަށެވެ.
ނަމަވެސް ޕީއެންސީ އިން 75,000 މެންބަރުން ހަމަކުރުމަށް ކުރާ މަސައްކަތުގައި މިނިސްޓަރުން ވެސް ބައިވެރިވާ ކަމަށް ފަލާހު ފާހަގަކުރެއްވިއެވެ. އެހެންނަމަ ވެސް ވަކި އަދަދެއް ހަމަ ކުރަން މަޖުބޫރު ކޮށްފައިވާ ކަމަށް ބުނެ ފަތުރަމުންދަނީ ކަނޑައެޅިގެން ދޮގު ކަމުގައި އޭނާ ވިދާޅުވިއެވެ.
ފަލާހު އިތުރަށް ވިދާޅުވީ ޕާޓީއަށް މެންބަރުން އިތުރުކުރުމުގެ މަސައްކަތުގައި ޕާޓީގެ ލީޑަރޝިޕުން ހަރަކާތްތެރިވާނެ ކަމަށެވެ. ނަމަވެސް ވަކި އަދަދެއް ހަމަކުރަން އެއް ވެސް ފަރާތަކަށް، މިނިސްޓަރަކަށް ވެސް މެންބަރަކަށް ވެސް މަޖުބޫރެއް ނުކުރާ ކަމަށް އޭނާ ވިދާޅުވިއެވެ.
މީގެ ކުރިން ޕީއެންސީން ބުނެފައިވަނީ އަންނަ ނޮވެމްބަރު މަހުގެ ނިޔަލަށް ރާއްޖޭގައި އޮތް އެންމެ ބޮޑު ސިޔާސީ ޕާޓީއަށް ޕީއެންސީ ވެގެންދާނެ ކަމަށް އުންމީދުކުރާ ކަމަށެވެ. އަދި އެ މުއްދަތަށް ޕީއެންސީއަށް 75,000 މެންބަރުން ހަމަކުރުމުގެ މަސައްކަތް ފޯރީގައި ކުރިއަށްދާ ކަމަށްވެސް ބުނެފައިވެއެވެ.
ފަލާހު މި މައުލޫމާތު ދެއްވާފައިވަނީ ބައެއް މީޑިއާތަކުން ޕީއެންސީއަށް މެންބަރުން އިތުރުކުރުމަށް ކޮންމެ ވަޒީރަކު 500 ފޯމު ހަމަކުރަން އަންގާފައިވާ ކަމަށް ބުނެ ޝާއިއުކޮށްފައިވާ ހަބަރަކާއި ގުޅިގެންނެވެ.
