އައިސްޕްލާންޓް ޤާއިމުކޮށް އައިސް ސްޓޯރޭޖް ޤާއިމުކުރުމަށް ހަވާލުކުރި 3 ރަށަކީ ދ.މީދޫ، ދ.ބަނޑިދޫ އަދި ށ.ފުނަދޫގައެވެ.
މި މަސައްކަތް މިފްކޯއާއި ހަވާލުކުރުމުގެ އެއްބަސްވުމުގައި އެ ކުންފުނީގެ ފަރާތުން ސޮއިކުރީ އެކުންފުނި ހިންގެވުމާއި މިވަގުތު ހަވާލުވެ ހުރި ޗީފް ފައިނޭންޝަލް އޮފިސާ އިލްޔާސް ހަނީފެވެ. ފިޝަރީޒް މިނިސްޓްރީގެ ފަރާތުން ސޮއިކުރީ އެ މިނިސްޓްރީގެ ފައިނޭންޝަލް ކޮންޓްރޯލާ އީނާޒް ނަސީރެވެ.
ދ.މީދޫ، ދ.ބަނޑިދޫ އަދި ށ.ފުނަދޫގައި ގާއިމުކުރުމަށް ނިންމާފައިވަނީ 30 ޓަނުގެ އައިސްޕްލާންޓާއި، 50 ޓަނުގެ އައިސް ސްޓޯރޭޖެއެކެވެ.
މިއީ ސަރުކާރުގެ ޕީއެސްއައިޕީ ބަޖެޓުން ކުރިއަށް ގެންދާ 24 މިލިއަން ރުފިޔާގެ ޕްރޮޖެކްޓެއްކަމަށް މިފްކޯއިން ބުނެއެވެ. އަދި ކޮންމެ އައިސް ޕްލާންޓެއްގެ އަގަކީ 8 މިލިއަން ރުފިޔާކަމަށާއި މި މަސައްކަތް 8 މަސް ދުވަހުގެ ތެރޭގައި ނިންމަންޖެހޭކަމަށްވެސް މިފްކޯއިން ބުނެއެވެ.
3 ރަށެއްގައި އައިސް ޕްލާންޓް ބެހެއްޓުމަށް އެއްބަސްވުމުގައި ސޮއިކުރުމުގެ ތެރެއިން
މިތިން ރަށުގައި އައިސްޕްލާންޓް ޤާއިމުކުރަނީ 11 ރަށެއްގައި އައިސް ޕްލާންޓު ގާއިމްކުރުމުގެ މަޝްރޫއުގެ ދަށުންނެވެ. މީގެތެރެއިން 5 އައިސް ޕްލާންޓަކަށް ފަންޑު ހަަމަޖެހިފައިވަނީ ސައުދީ ފަންޑު ފޯ ޑިވެލޮޕްމަންޓުންނެވެ. އަދި ބާކީ 6 ޕްލާންޓް ޤާއިމުކުރުމަށް ހަމަޖެހިފައިވަނީ ސަރުކާރުގެ ހަރަދުގައެވެ.
