އެ ޕާޓީން މިއަދު ނެރުނު ނޫސްބަޔާނެއްގައި ބުނީ މާފުށީ ޖަލުގައި 62 އަހަރުގެ މީހަކު އަމިއްލައަށް މަރުވީ، އަންހެނެއްގެ ކަރުގައި ވަޅި ޖައްސައިގެން ބިރު ދެއްކި އާދަމް އަތުހަރު، 32, ފުލުހުންގެ ބެލުމުގައި ދަށުގައި ހުއްޓައި އަމިއްލައަށް މަރުވި މައްސަލައިގެ ފުރިހަމަ ތަހުގީގެއް ހިންގުމަށާއި އެފަދަ ކަމެއް ތަކުރާރު ވިޔަ ނުދިނުމަށްޓަކައި ފިޔަވަޅުތައް އެޅުމަށް ގޮވާލާފައި އޮއްވައި ކަމަށް ވާތީ އިންތިހާއަށް ކަންބޮޑުވާ ކަމަށެވެ.
އެމްޑީޕީގެ ބަޔާނުގައި ބުނީ މާފުށީ ޖަލުގައި ހުއްޓައި މިއަދު އަމިއްލައަށް މަރުވި މީހާގެ، މަރުގައި ވެސް ޖަލު ބެލެހެއްޓުމާއި އެކަށީގެންވާ ފިޔަވަޅު އެޅުމުގައި އިހުމާލުވެފައިވާ ކަމަށް ގަބޫލު ކުރެވޭ ކަމަށެވެ.
އެ ޕާޓީން ބަޔާނެއް ނެރެ އެކަމާ ކަންބޮޑުވުން ފާޅުކޮށްފައި ވަނީ ޝަރީއަތް ނިމެންދެން ބަންދުކޮށްފައި ހުރި 62 އަހަރުގެ ފިރިހެނަކު މާފުށީ ޖަލުގައި މިއަދު އަމިއްލައަށް މަރުވެފައި ވަނިކޮށެވެ.
