ހޯޑެއްދޫ ކައުންސިލުން ކުރި އިއުލާންގައި ބުނެފައިވަނީ ރަށް ކުއްޔަށް 50 އަހަރުގެ މުއްދަތަށް ކުއްޔަށް ދޫކުރާއިރު ރަށުގެ ރަށުގެ ލީސް އެކުއިޒިޝަން ކޮސްޓަކީ 700،000 ޑޮލަރު ( 10.7 މިލިއަން ރުފިޔާ) ރުފިޔާކަމަށެވެ.
މި ރަަށް ބިޑްކުރުމަށް ހުޅުވާލާފައިވާ ފުރުސަތު ހަމަވާނީ އަންނަމަހުގެ 17 ވަނަދުވަހެވެ.
ރަށް ކުއްޔަށް ނަގާ ފަރާތުން ދެއަހަރާއި ހަ މަސްދުވަހުގެ ތެރޭގައި އެރަށުގެ ކަޮންސްޓްރަކްޝަން މަސައްކަތް ނިންމަންޖެހޭނެކަމަށްވެސް ހޮޑެއްދޫން ކައުންސިލުން ނެރުނު އިއުލާންގައިވެއެވެ.
މިރަށް ކުއްޔަށް ދިނުމަށް އެކުލަވާލާފައިވާ މައުލުމާތު ކަރުދާހުގައިވާ ގޮތުން މި ރަށް ކުއްޔަށް ހިފާ ފަރާތަކަށް އަހަރެއްގެ މައްޗަށް 38 މިލިއަން ޑޮލަރުގެ ވިޔަފާރި ކުރެވޭނެއެވެ. އަދި ހަރަދުތައް ކަނޑާ އަހަރެއްގެ މައްޗަށް ސާފު ފައިދާގެ ގޮތުގައި 10 މިލިއަންނާއި 22 މިލިއަން ޑޮލަރާއި ދެމެދުގެ އަދަދެއްގެ ފައިދާގެ ގޮތުގައި ލިބޭނެއެވެ.
ހޯނޑެއްދޫގެ އިހުތިސާސުގެ ތެރޭގައި އޮންނަ އޮންނަ ކަނޑެވާރެހާ އަކީ ގާތްގަނޑަކަށް 4.6 ހެކްޓަރުގެ ކުޑަ ރަށެކެވެ. މި ރަށް ކައިރީ ގިނަ އަދަދެއްގެ ފަޅުރަށްތައް އޮވެއެވެ.
މި ރަށަށް ކާޑެއްދޫ އެއާޕޯޓުން ސްޕީޑް ބޯޓެއްގައި 5 މިނެޓުން ދެވެއެވެ. އަދި މީ ލަގްޒަރީ ރިސޯޓެއް ހަދަން އެންމެ ކަމުދާ އެރަށް ކަމަށް ހޯޑެއްދޫ ކައުންސިލުން ބުނެއެވެ.
