ދައުލަތުގެ މީޑިއާމެދުވެރިކުރައްވައި ވާހަކަ ދައްކަވަމުން މިނިސްޓަރު ގައްސާން ވިދާޅުވީ، މި ނިޒާމު ކައިރި މުސްތަގުބަލެއްގައި ގާއިމުކުރުމުގެ މަސައްކަތް ކުރަމުންދާ ކަމަށެވެ.
މި މަޝްރޫޢުގައި މަސައްކަތްކުރަނީ ޑިފެންސް މިނިސްޓްރީއާއެކު މަސައްކަތްކުރާ މޯލްޑިވްސް ސްޕޭސް ރިސާޗް އޮގަނައިޒޭޝަންގެ ޒުވާނުންތަކެކެވެ. މިނިސްޓަރު ގައްސާން ފާހަގަކުރެއްވި ގޮތުގައި، މި ޒުވާނުންނަކީ ނެޝަނަލް އެރޯނޮޓިކްސް އެންޑް ސްޕޭސް އެޑްމިނިސްޓްރޭޝަން (ނާސާ) ގައި މަސައްކަތްކުރާ ގިނަ ފަރާތްތަކާ ގާތް ގުޅުމެއް އޮންނަ ބައެކެވެ.
މީގެ އިތުރުން، މިނިސްޓަރު ވިދާޅުވީ ސެޓްލައިޓް މެދުވެރިކޮށް ކަނޑުގެ ސަރަހައްދު ބެލެހެއްޓުމުގެ ނިޒާމު ގާއިމުކުރެވުމުން މި ސަރަހައްދުގައި ސުލްހަވެރިކަމާއެކު ދަތުރުކުރެވޭނެ ކަމަށެވެ. މި ނިޒާމަކީ ރާއްޖޭގެ ކަނޑުގެ ސަރަހައްދު ބެލެހެއްޓުމަށް ގެނެވޭ މުހިންމު ކުރިއެރުމެއް ކަމަށް ބެލެވެއެވެ.
