އެމްއެންޔޫން ބުނެފައިވަނީ އެސައިންމަންޓްތައް އެހެން ފަރާތްތަކުން ހަދައިގެން ހުށަހެޅުމުގެ ފުރުސަތު ކުޑަކުރުމަށް އެ ޔުނިވަރސިޓީން ވަނީ އެކި ފިޔަވަޅުތައް އަޅާފައިކަމަށެވެ.
މީގެ ތެރޭގައި:
- އެސައިންމަންޓްތައް ޑިޒައިން ކުރުމުގައި ކުލާހުގައި އެއްބައި ހަދާފައި ގޭގައި ބައެއް ހަދާ ގޮތަށް ބައްޓަން ކުރުން.
- ޗެޓްޖީޕީޓީ ފަދަ އޭއައި ވަސީލަތްތަކުގެ އެހީގައި އެސައިންމަންޓް ހަދާފައި ހުރިތޯ ބެލުމަށް ޓާންއިޓްއިން ސޮފްޓްވެއަރއެއް ބޭނުންކުރުން.
- އިމްތިހާނުތަކުން މަދުވެގެން 50 އިންސައްތަ ހޯދަން ޖެހޭ ގޮތަށް ހަމަޖެއްސުން. ބައެއް ކޯސްތަކުގައި މި އަދަދު 70 އިންސައްތައާ ހަމައަށް އުފުލާފައިވުން.
މި ފިޔަވަޅުތަކަކީ ކޯސްތަކުގެ ފެންވަރު ހިފެހެއްޓުމަށާއި، ދަރިވަރުންގެ ތެދުވެރިކަން ކަށަވަރުކުރުމަށް އެޅޭ މުހިންމު ފިޔަވަޅުތަކެއް ކަމަށް އެމްއެންޔޫއިން ބުނެއެވެ. އަދި މިއީ އެހެން މަތީ ތަޢުލީމީ މަރުކަޒުތަކަށް ވެސް ނަމޫނާއެއް ކަމަށް ފާހަގަކޮށްފައިވެއެވެ.
އެމްކިއުއޭއިން ވަނީ މިހަފްތާ ތެރޭގައި މަތީ ތައުލީމުދޭ ތަންތަނުން ހުންގާ ކޯސްތަކުން ފާސްވުމާއިގުޅޭ ގޮތުން ބަދަލުތަކެއް ގެނެސްފައެެވެ.
- މަތީ ތައުލީމު ފޯރުކޮށްދޭ އިންސްޓިޓިއުޝަންތަކުން ހިންގާ ކޯސްތަކުގެ އިމްތިހާނުތަކުން މަދުވެގެން 50 އިންސައްތަ ފާސްވާން ޖެހޭ ގޮތަށް ގަވާއިދު އިސްލާހު ކުރުން.
- އިމްތިހާނުތަކުން 50 އިންސައްތައިން ފާސްވެގެން ނޫނީ ކޯހަކުން ދަރިވަރަކަށް ފާހެއް ނުވެވޭނެ ގޮތަށް ހަމަޖެއްސުން.
- އެހެން މީހުން ލައްވައި އެސައިންމަންޓްތައް ހެދުން ހުއްޓުވުމަށް މި ފިޔަވަޅުތައް އެޅުން.
- އެސައިންމަންޓްތައް އަގަށް ހަދައިދޭ ކަމަށް ބުނެ އިސްތިހާރުކުރާ ސޯޝަލް މީޑިއާ ޕޭޖްތައް ފުލުހުން މެދުވެރިކޮށް ބްލޮކްކުރުން.
މި ނިންމުންތަކަކީ މަތީ ތައުލީމުގެ ފެންވަރު ހިފެހެއްޓުމަށާއި އެސައިންމަންޓްތައް އެހެން ފަރާތްތަކުން ހެދުން ހުއްޓުވުމަށް އަޅާފައިވާ ފިޔަވަޅުތަކެއް ކަމަށް މޯލްޑިވްސް ކޮލިފިކޭޝަން އޮތޯރިޓީން ބުނެއެވެ.
