ރިޕޯޓްތައް ބުނާ ގޮތުން ވަރާން ކުޅުން ހުއްޓާލިކަން އިއުލާން ކުރީ އޭނާގެ ކަކުލަށް ލިބުނު ސީރިއަސް އަނިޔާއަކާ ގުޅިގެންނެވެ. 2013 އިން 2022 އަށް ފްރާންސަށް 93 މެޗު ކުޅެފައިވާ ވަރާން ވަނީ 2018 ވަނަ އަހަރު ރަޝިޔާގައި ވޯލްޑް ކަޕް ކާމިޔާބުކޮށް، އޭގެ ހަތަރު އަހަރު ފަހުން ގަތަރުގައި ރަނަރަޕް ހޯދުމުގައި މުހިއްމު ދައުރެއް އަދާކޮށްފަ އެވެ.
ވަރާނޭ ކްލަބް ކެރިއަރު ފެށީ ލީގު 1 ގެ ލެންސް އިންނެވެ. 2011 ވަނަ އަހަރު އޭނާ ރެއާލް މެޑްރިޑަށް ކުޅެން ފަށައި އެ ޓީމަށް 360 މެޗު ކުޅެ. ލާލީގާގެ ތިން ތަށި އަދި ޗެމްޕިއަންސް ލީގުގެ ހަތަރު ތަށި ތަށި އުފުލާލާފައެވެ. އޭގެ ފަހުން ދެން އޭނާ ގުޅުނީ މެންޗެސްޓަރ ޔުނައިޓެޑާއެވެ.
2021 ވަނަ އަހަރު ޔުނައިޓެޑަށް ސޮއިކޮށް އޭޏާވަނީ އެ ކްލަބަށް 95 މެޗު ކުޅެފައެވެ. 2023 ވަނަ އަހަރު ލީގު ކަޕާއި 2024 ވަނަ އަހަރު އެފްއޭ ކަޕް ޔުނައިޓެޑަށް ކާމިޔާބު ކުރުމުގައި ވަރާންގެ ހިއްސާބޮޑެވެ. ޔުނައިޓެޑުން ފްރީ އެޖެންޓެއްގެ ގޮތުގައި މި ސީޒަންގައި އޭނާ ބަދަލުވީ ޖުލައި މަހު ސެރީއާ ކްލަބް ކޮމޯއަށެވެ. އެ ކްލަބަށް ކުޅުނު ފުރަތަމަ މެޗުގައި ވަރާންއަށް އަނިޔާވިއެވެ. ކުޅުން ހުއްޓާލިކަން އިއުލާޏްކޮށް ވަރާން ބުނީ އޭނާ ކޮމޯގައި ދެމިހުންނާނީ ނޮންޕްލޭއިން ރޯލެއްގައި ކަމަށެވެ.
