ކެޓްޝެލްޓާ އަށް ބޭނުންވާ އިކުއިޕްމެންޓްސް އާއި މެޓީރިއަލްސް ހޯދުމަށް، އެ މަސައްކަތް މިއަދު ކުންފުންޏަކާ ހަވާލުކޮށްފައިވާކަމަށް މާލޭ ސިޓީ ކައުންސިލުން ބުނެއެވެ.
ކެޓްޝްލްޓާއަށް 210,036.61 (ދެލައްކަ ދިހަ ހާސް ތިރީސް ހަ ރުފިޔާ ފަސްދޮޅަސް އެއް ލާރި) ރުފިޔާ އަށް ބޭނުންވާ ސާމާނު ހޯދުމަށް އެ މަސައްކަތް ހަވާލުކުރީ ރެޕިޑް އިންޖިނިއަރިން ސޮލިއުޝަން ޕްރައިވެޓް ލިމިޓެޑް އާ ކަމަށް މާލޭ ސިޓީ ކައުންސިލްއިނުން ބުންޏެވެ.
ކެޓް ޝެލްޓާ އަށް ތަކެތި ހޯދަން ކުންފުންޏަކާ ހަވާލުކުރަނީ ފޮޓޯ: މާލޭ ސިޓީ ކައުންސިލް
"ސީއެންއެމް" އަށް މައުލޫމާތު ދެއްވަމުން މާލޭ ސިޓީ ކައުންސިލްގެ މީޑިއާ އޮފިޝަލް ޝަތުފާ ވިދާޅުވީ ކެޓް ޝެލަޓާ އަށް ގެންނަ ސަމާނުގެ ތެރޭގައިި ކެޓް ލިޓާ ބޮކްސްތަކާއި ، އެނިމަލް ކޮންޓެއިންމަންޓް ޔުނިޓްތަކާއި ، ކޮންސިއުބަަލްސް ހިމެނޭ ކަމަށެވެ.
އޭގެ އިތުރުން ކެޓް ޝެލްޓާގެ މަސައްކަތް މިހާރު ނިމުމަކާ ހަމައަށް އައިސްފައިވާކަމަަށާއި މިވަގުތު ކުރިއަށްދަނީ ތަނުގެ ފިނިޝިން މަސައްކަތް ކަމަށް ޝަތުފަ ވިދާޅުވިއެވެ.
ހުޅުމާލެ ފަރުކޮޅުފުށީގައި ގާއިމުކުރާ ޕެޓް ކެއާ ފެސިލިޓީ ނިމެންދެން މާލޭގެ މަގުމަތީގައި އުޅޭ ބުޅާތަކަށް ވަގުތީ ހިޔާ ފޯރުކޮށްދިނުމުގެ އިންތިޒާމް ވަނީ އެގްރިކަލްޗާ މިނިސްޓްރީން ހަމަޖައްސާފަ އެވެ.
މަގުމަތީގައި އުޅޭ ބުޅާތައް ނެގުމުގެ މައިގަނޑު އަމާޒަކީ އެކިއެކި ސަބަބުތަކާ ހުރެ ބުޅާތަކަށް ލިބޭ ގެއްލުންތަކުން އެ ބުޅާތައް ސަލާމަތް ކުރުން ކަމަށް މިނިސްޓަރު ރަމީލާ މީގެ ކުރިން ވަނީ ވިދާޅުވެފަ އެވެ.
ބުޅާތަކަށް ހާއްސަ ޝެލްޓާތަކެއް އަޅަން ހުޅުމާލެއިން ވަނީ 5،000 އަކަފޫޓުގެ ބިމެއް ހަމަޖައްސައިފަ އެވެ. އެތަން ނިމޭއިރު، ބުޅާތަކަށް ހާއްސަ ހޮޓަލާއި ޕާކް އަދި ފިހާރަ ހުންނާނެ އެވެ.
