ސަރުކާރުގެ ކުންފުނިތަކާއި، އޮފީސްތަކާއި އިދާރާތަކުގެ އިތުރުން ދައުލަތުގެ ބެލުމުގެ ދަށުގައި ހުރި އެހެނިހެން ތަންތަނަށް އަމާޒުކޮށްގެން ދޭން ވެމްކޯއިން ވަނީ ފޮޅާ ސާފުކުރުމުގެ ހިދުމަތް ދޭން ފަށާފަ އެވެ.
ކުންފުނީގެ މާލީ ހާލަތު ރަނގަޅުކޮށް ފައިވާ ކުންފުންޏަކަށް ހެދުމަށް "ހޮބާ" ގެ ނަމުގައި މިހިދުމަތް އެކުންފުނިން ފެށީ މިދިޔަ ޖުލައިމަހުގެ 27 ގައެވެ.
އެންމެ ބޮޑު ކުންފުނި ސްޓްލެކޯއިން ވަނީ އެ ކުންފުނީގެ އިމާރާތްތައް ފޮޅާ ސާފުކުރުމުގެ މަސައްކަތް ވެމްކޯގެ "ހޮބާ" އާއި ހަވާލުކޮށްފައެވެ. މިކަމުގެ އެއްބަސްވުމިގައި ދެކުންފުނިން ސޮއިކޮށް މަސައްކަތް ވެމްކޯއާ ހަވާލުކުރީ މިދިޔަ ބުރާސްފަތި ދުވަހު އެވެ.
މި އެއްބަސްވުމުގައި ސްޓެލްކޯގެ ފަރާތުން ސޮއި ކުރެއްވީ އެ ކުންފުނީގެ މެނޭޖިން ޑިރެކްޓަރު ހުސައިން ފަހުމީ އެވެ. ވެމްކޯގެ ފަރާތުން ސޮއި ކުރެއްވީ އެކުންފުނީގެ މެނޭޖިން ޑިރެކްޓަރު ޝަހީދު އިބްރާހީމް އެވެ.
ސްޓެލްކޯއިން ބުނީ މި އެއްބަސްވުމުގެ ދަށުން މާލެ، ހުޅުމާލެ އަދި ވިލިމާލޭގައި ހުރި ސްޓެލްކޯގެ ޢިމާރާތްތައް ފޮޅޫ ސާފުކުރާނީ ވެމްކޯއިން ކަމަށެވެ. އަދި މީގެއިތުރުން މި އެއްބަސްވުމުގެ ދަށުން ސްޓެލްކޯ ހިޔާގެ 2 ޓަވަރު ފޮޅައި ސާފުކުރުމުގެ މަސައްކަތް ދެން ކުރާނީ ވެމްކޯއިންކަމަށް ސްޓެލްކޯއިން ބުނެ އެވެ.
ވެމްކޯއިން ފެށި "ހޮބާ" ގެ ހިދުމަތް ދިނުމަށް ސަރުކާރުގެ ބައެއް އިދާރާތަކަށް އަންނަނީ ދެމުންނެވެ. އެގޮތުން ރައްޔިތުން މަޖިލީހުގެ ރައީސްގެ ގެކޮޅު ހ. މުރައިދޫގެ އާއި ބަންދާރަ ނައިބުގެ އޮފީހާއި މޯލްޑިވްސް ޕޯޓްސް ލިމިޓެޑާއި ހައްޖު ކޯޕަރޭޝަނަށްވެސް ފޮލާ ސާފުކުރުމުގެ މަސައްކަތް މިހާރު ކުރަމުން އަންނަނީ ވެމްކޯއިންނެވެ.
