މާލޭ ސިޓީ ކައުންސިލުން އަންނަނީ މާލޭގެ މިސްކިތްތަކުގެ އާބާތުރަ ފިލުވައި، މިސްކިތްތަކުގެ ފާހާނާތައް ރަނގަޅު ފެންވަރަކަށް ހެދުމުގެ މަސައްކަތް ކުރަމުންނެވެ.
ސިޓީ ކައުންސިލުން ބުނީ މި މަސައްކަތުގައި ބައިވެރިވެ އެހީތެރިވެ ދިނުމަށް އިމާދުއްދީން ސްކޫލްގެ ދަރިވަރުން ނިންމާފައވާކަމަށެވެ. އެގޮތުން އެ ސްކޫލްގެ ސްކައުޓުން އިސްނަގައިގެން މާލޭގެ މިސްކިތްތަކުގެ ވުޟޫކުރާ ސަރަހައްދުގައި، ފެން އިސްރާފު ނުކުރުމަށް ބާރުއަޅައި އިރުޝާދު ދޭ ބޯޑްތައް ހަރުކުރުމަށް ނިންމާފައިވާކަމަށް ްސިޓީ ކައުންސިލުން ބުނެ އެވެ.
މިސްކިތްތަކުގައި އިމާދުއްދީން ދަރިވަރުން އިސްނަގައިގެން މުހިއްމު މެސެޖްތަކެއް ހަރުކުރަން ފެށުމުގެ ތެެރެއިން.
އިމާދުއްދީން ސްކޫލްގެ ދަރިވަރުންގެ މި މަސައްކަތް ފެށުން އިއްޔެ ވަނީ އިފްތިތާހުކޮށްފައެވެ. އެގޮތުން މި މަޝްރޫއު އިފްތިތާހުކޮށްދެއްވީ މާލޭގެ މޭޔަރު އާދަމް އާޒިމްއެވެ.
މިސްކިތްތަކުގައި އިމާދުއްދީން ދަރިވަރުން އިސްނަގައިގެން މުހިއްމު މެސެޖްތަކެއް ހަރުކުރަން ފެށުމުގެ ތެެރެއިން.
މާލެ އާއި ވިލިމާލެ އަދި ހުޅުމާލޭގެ މިސްކިތްތަކުގެ އާބާތުރަ ފިލުވައި، މިސްކިތްތަކުގެ ފާހާނާތައް ރަނގަޅު ފެންވަރަކަށް ހެދުމުގެ މަސައްކަތުގެ ތެރެއިން އާ އެންމެ މަތީ ފެންވަރުގެ ފާހާނަ ހެދުމަކީ އަމާޒެއް ކަމަށާއި އެހެންވެ ކުރިއަށް އޮތް ދެ އަހަރުގެ ތެރޭގައި އެކަން ހާސިލް ކުރައްވާނެ ކަމަށް މާލޭގެ މޭޔަރު އާދަމް އާޒިމް ވަނީ ވިދާޅުވެފަ އެވެ.
