މިނިސްޓަރު މިހެން ވިދާޅުވީ ނިއުކްލިއާ ހަތިޔާރު މުޅިން ނައްތާލުމާ ގުޅޭ ގޮތުން ބޭއްވުނު މަތީ ފެންވަރުގެ ބައްދަލުވުމުގައި ރައީސް ޑރ. މުހައްމަދު މުއިއްޒުގެ ފަރާތްޕުޅުން ބަޔާން އިއްވަވަމުންނެވެ.
މި ބައްދަލުވުމަކީ އދ. ގެ ޖެނެރަލް އެސެމްބްލީގެ ތެރެއިން ކުރިއަށްދިޔަ ބައްދަލުވުމެކެވެ. މިނިސްޓަރ ތޯރިގް އިއްވި ބަޔާނުގައި، ދުނިޔޭގެ ސުލްޙަ ޤާއިމްކުރުމަށްޓަކައި ނިއުކްލިއާ ހަތިޔާރު ނައްތާލުމުގެ މުހިންމުކަން ފާހަގަކުރެއްވި އެވެ.
އެ ބަޔާނުގައި ވަނީ ރާއްޖެއަކީ އަބަދުވެސް ނިއުކްލިއާ ހަތިޔާރު ނައްތާލުމަށް ގޮވާލާ ގައުމެއްކަން ފާހަގަކޮށް، މި މަސައްކަތުގައި ބައިނަލްއަގްވާމީ މުޖުތަމައުގެ އެއްބާރުލުން މުހިންމުކަން ފާހަގަކުރައްވާފަ އެވެ.
މި ބައްދަލުވުމުގައި ބައިވެރިވި އެހެން ގައުމުތަކުގެ ވެރިންނާއި މަންދޫބުން ވެސް ނިއުކްލިއާ ހަތިޔާރުގެ ނުރައްކާތެރިކަމާއި، އެ ހަތިޔާރު ނައްތާލުމުގެ މުހިންމުކަން ފާހަގަކުރި އެވެ.
