ގޫގުލް އޮފީހަށް އެ މަނިކުފާނު ވަޑައިގަތުމުން މަރުހަބާ ދެންނެވީ ގޫގަލް ޕަބްލިކް ސެކްޓާ ސީއީއޯ ކަރެން ދަހުތު އެވެ.
ރައީސް އޮފީހުން އެކްސްގައި ކުރި ޕޯސްޓެއްގައި ވަނީ، އެ ބައްދަލުކުރެއްވުމުގައި ޕަބްލިކް ސާވިސް ޑެލިވަރީގެ ތެރެއަށް އާޓިފިޝަލް އިންޓެލިޖެންސް ތައާރަފުކުރުމާ ގުޅޭ ގޮތުން މަޝްވަރާކުރެއްވި ކަމަށެވެ.
އަދި ޑިޖިޓަލް ލިޓަރެސީ ޕްރޮމޯޓު ކުރުމުގެ އިތުރުން، މޫސުމަށް އަންނަ ބަދަލުތަކަށް ޑޭޓާ ޑްރައިވް ސޮލިއުޝަންތަކާ ގުޅޭ ގޮތުން އެއްބާރުލުން ދީގެން މަސައްކަތް ކުރުމަށް މަޝްވަރާ ކުރައްވާފައިވާ ކަމަށް އެ އޮފީހުން ބުންޏެވެ.
ނިއުޔޯކުގައި ކުރިއަށް ގެންދާ އދ. ގެ އާންމު މަޖިލީހުގެ 79 ވަނަ ބައްދަލުވުމުގައި ބައިވެރިވެޑައިގަތުމަށް އެ ގައުމަށް މިހާރު ކުރައްވަމުން ގެންދަވާ ދަތުރުފުޅުގައި ރައީސް މުއިއްޒު ވަނީ އެކި ގައުމުތަކުގެ ވެރިންނާ ވެސް ބައްދަލުކުރައްވައިފަ އެވެ.
އެ ގޮތުން އެމެރިކާގެ ޔުނައިޓެޑް ސްޓޭޓްސް އެޖެންސީ ފޯ އިންޓަނޭޝަނަލް ޑިވެލޮޕްމަންޓް (ޔޫއެސްއެއިޑް)އިން ރާއްޖެއަށް 4.4 މިލިއަން ޑޮލަރު ދޭން ވަނީ ނިންމައިފައެވެ. އެކަން އިއުލާނުކުރީ، އދ.ގެ އާންމު މަޖިލީހުގެ ހަވާސާގައި ޔޫއެސްއެއިޑްގެ "ޑިމޮކްރަސީ ޑެލިވާސް" އިވެންޓުގައި ޔޫއެސްއެއިޑުގެ އެޑްމިނިސްޓްރޭޓާ ސަމައިންތާ ޕަވާ އެވެ.
