މި ދަތުރުފުޅުގައި ރައީސް މުއިއްޒު ވަނީ ރާއްޖޭގެ އަޑު ބައިނަލްއަޤްވާމީ މައިދާނުގައި އިއްވައި، ރާއްޖެއަކީ އިޙްތިރާމް ލިބިގެންވާ ގައުމެއްކަން ސާބިތުކޮށްދެއްވާފައިކަމަށް މިނިސްޓަރު މިއަދު ވިދާޅުވިއެވެ.
ރައީސް މުއިއްޒު ވަނީ އދ. ގެ އާންމު މަޖިލީހުގައި ތަގްރީރުކުރެއްވުމުގެ އިތުރުން، ސަލާމަތީ މަޖިލީހުގައި ވެސް ވާހަކަފުޅު ދައްކަވާފައެވެ. މިއީ ދިވެހި ރައީސަކު ސަލާމަތީ މަޖިލީހުގައި ވާހަކަދެއްކެވި ފުރަތަމަ ފަހަރެވެ. އަދި ތަރައްޤީވަމުން އަންނަ ކުދި ޖަޒީރާ ގައުމުތަކުގެ ހަރަކާތްތަކުގައި ބައިވެރިވެވަޑައިގެން، އެ ގައުމުތަކަށް ކުރިމަތިވެފައިވާ ގޮންޖެހުންތައް ފާހަގަކުރައްވާފައިވެއެވެ.
މީގެ އިތުރުން، ރައީސް މުއިއްޒު ވަނީ އދ. ގެ ސެކްރެޓަރީ ޖެނެރަލްއާއި އެހެނިހެން ގައުމުތަކުގެ އިސްވެރިންނާ ބައްދަލުކުރައްވައި، ގުޅުން ބަދަހިކުރެއްވުމާއި އެއްބާރުލުން ދެއްވާނެ ދާއިރާތަކާ ގުޅޭގޮތުން މަޝްވަރާކުރައްވާފައެވެ. އަދި ޕްރިންސްޓަން ޔުނިވަރސިޓީއަށް ޒިޔާރަތްކުރައްވައި އެތަނުގައިވެސް ތަޤްރީރުކުރައްވާފައިވެއެވެ.
