މީހަކު ރާއްޖޭގައި ޑައިވް ކުރަނީ
1991 ގައި ހެދި ޑައިވިން ގަވާއިދު މި ޒަމާނަށް ފެއްތުމުގެ މަސައްކަތް ފަށައިފި
ގުފްތަގް އަޖީރު
29 ސެޕްޓެމްބަރ 2024 - 09:52:16
މީގެ 33 އަހަރު ކުރިން 1991 ވަނަ އަހަރު އެކުލަވާލެވުނު ޑައިވިން ގަވާއިދު ޒަމާނަށް ފެއްތުމަށްޓަކައި އިސްލާހުކުރުމުގެ މަސައްކަތް ފަށާފައިވާ ކަމަށް، ޓޫރިޒަމް މިނިސްޓަރު އިބްރާހީމް ފައިސަލް ވިދާޅުވެެއްޖެއެވެ.
Advertisement
މިނިސްޓަރު މިކަން ހާމަކުރެއްވީ ފުވައްމުލަކުގެ ފަތުރުވެރިކަމަށް 10 އަހަރު ފުރުމާ ގުޅިގެން ބޭއްވުނު ޖަލްސާއެއްގައެވެ.
މިނިސްޓަރު ފާހަގަކުރެއްވި ގޮތުގައި، 30 އަހަރުގެ ކުރިން އެކުލަވާލެވުނު މި ގަވާއިދަށް ގެންނަންޖެހޭ ބަދަލުތައް ގެނައުމަކީ މުހިންމު ކަމެކެވެ. އަދި މި މަސައްކަތް ކުރިއަށް ގެންދާނީ ޑައިވިންގ އިންޑަސްޓްރީގައި މަސައްކަތްކުރާ ފަރާތްތަކުގެ ލަފަޔާއި މަޝްވަރާގެ މަތިން ކަމަށް އެމަނިކުފާނު ވިދާޅުވިއެވެ.
"ފަތުރުވެރިކަން ކުރިއެރުވުމަށްޓަކައި ކަމާގުޅޭ ޖަމްޢިއްޔާތަކާ ގުޅިގެން ގިނަ މަސައްކަތްތަކެއް ދަނީކުރަމުން. ބައިނަލްއަގްވާމީ ފެންވަރުގައި ރާއްޖެ އިޝްތިހާރުކުރުމާއި އައު މާކެޓްތައް ހޯދުމުގެ މަސައްކަތް ވެސް ދަނީ ކުރިއަށް،" ކަމަށް މިނިސްޓަރު ފާހަގަކުރެއްވިއެވެ.
މި އިސްލާހުތަކުގެ މަގްސަދަކީ ޑައިވިން ގަވާއިދު ޒަމާނީ ކުރުމާއެކު، އަވަސް އަވަހަށް ބަދަލުކުރަން ނުޖެހޭ ފަދަ ދެމެހެއްޓެނިވި ގޮތަކަށް އެކުލަވާލުން ކަމަށް މިނިސްޓަރު ވިދާޅުވިއެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
